Seren Tampi Jabatan Camat Sukatani Teu Leupas tina 3 Pilar Forkopicam

Seren Tampi Jabatan Camat Sukatani Teu Leupas tina 3 Pilar Forkopicam 

SUKATANI - Grup Majalah Warta Sunda,-

Luyu sareng Keputusan Bupati Purwakarta Nomor : 821.29/Kep.373-BKPSDM/2024 ngeunaan Pengangkatan, Pemindahan dan Pemberhentian PNS dalam dan dari Jabatan Administrator, Jabatan Pengawas dan Jabatan Fungsional di Lingkungan Pemerintahan Kabupaten Purwakarta.

Dina hal ieu, Panjabat (Pj) Bupati Purwakarta Benni Irwan ngaresmikeun sarta ngangkat sumpah jabatan pikeun puluhan Pajabat Pangurus, Pajabat Pengawas jeung Pajabat Fungsional di lingkungan Pamaréntah Kabupatén Purwakarta, Rebo 3 Juli 2024.

Hiji diantarana pajabat Akim Mustopa, S.Sos, KP nu asalna ngajabat Kepala Bidang Pemadam Kebakaran dan Penyelamatan pada Dinas Pemadam Kebakaran dan Penyelamatan Kabupatén Purwakarta ayeuna dipercaya pikeun mupuhuan Kecamatan Sukatani (Camat Sukatani).

Kukituna nepika diayakeun salametan nu dikemas dina acara: Seren Tampi Jabatan Camat Sukatani ti Bapa Babang Subarna, S.Pd, M.Pd., ka Bapa Akim Mustopa, S.Sos, KP.

Sambutan Plt Babang Subarna: inyana ngahaturkeun rewu-rewu nuhun yén 3 bulan ngajabat téh, ku gawe bareng ti rengrengan, Sukatani bisa kompak, malahan Kolaborasi stakeholder dina memupuk kondusifitas.

Lian ti éta, "umajak dina waktuna mah hayu urang sukséskeun pawei Agustusan 2024," pokna Babang Subarna.

Sedengkeun ceuk Camat Sukatani nu anyar, nyatana Akim Mustopa, S.Sos, KP, pihakna rék neruskeun program nu saméméhna, poma yén Désa Sukatani pikeun mempertahankeun Juara II. Inyana ogé, ngarasa reueus tur bangga.

Dina kasempetan éta ogé Kapolsek Sukatani Randy, inyana Ngawilujengkeun ka camat enggal, mugia dina mangsana tugas nyiptakeun suasana anu kondusif dina mapag Pilkada sareng Pilgub 2024, tiasa bersinergi hususna dina nyiptakeun situasi anu kondusif.

Ari ceuk Danramil Sukatani dan Pasiter Kodim Safriadil : Miharep netralitas PNS, poma Pa Camat nu ayeuna bisa nyiptakeun kolaborasi unsur muspika jeung sakabeh kepala désa sarta unsur kecamatan langkung saé deui.

APDESI Sukatani: Oman Abdurohman, salaku perwakilan désa, inyana siap ngabantos program kecamatan, malihan babarengan ngawangun Sukatani Ngahiji.

Lain deui ceuk Rustaman Arifin, Ketua Koordinator Camat Purwakarta. Dirina pangdeudeul sanés mapatahan ngojay ka meri, nitip camat anyar sok sanajan umurna sataun satengah urang rojong ku stakeholder nu aya dina tilu pilar forkopicam ngawengku camat, kapolsek sareng danramil pikeun ngolah nagri masing-masing kecamatan.

Kituna ogé tilu pilar di désa ngawengku kepala désa, sekdes sarta bendahara kudu alalakur poma dina pengespejean laporan.

Acara dihadiran ti unsur muspika nu ngawengku diantarana Kapolsek, Danramil, Kepala Puskesmas, Kepala UPTD KB, Kepala UPTD Pertanian, Kepala Damkar, Kepala KUA, Ketua MUI, Ketua PGRI Cabang Sukatani, Ketua Karang Taruna sarta para Kepala Desa sa-Sukatani.***

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: