LOMBA KREATIVITAS SISWA TINGKAT KECAMATAN SUKATANI

SUKATANI – Grup Warta Sunda,-

PIKEUN ngaronjatkeun tali mimitran siswa SD sakacamatan Sukatani Kabupatén Purwakarta jeung ngukur kamampuhan kompetensi siswa dina mata pelajaran Pendikan Agama Islam (PAI), Kelompok Kerja Guru (KKG) Pendidikan Agama Islam ngagelar saniskara kagiatan nu aya dina beungkeutan “Lomba Kreativitas Siswa Tingkat Kecamatan Sukatani 2024", ieu lumangsung di SDN 1 Sukatani, Purwakarta, (19/2). 

Acep Zaeni Nurdin, S.Pd.I (Koordinator PAI Kecamatan Sukatani)*

Malah Mandar poé Senen, ieu nu keur lumangsung téh lomba Pentas PAI. Kitu ditetelakeun Acep Zaeni Nurdin, S.Pd.I (Koordinator PAI Kecamatan Sukatani) ka Grup Warta Sunda dilokasi acara.

Saniskara nu dilombakeun téh diantarana MTQ, Tahfidz, Dacil Putra/Putri, Kaligrafi Putra/Putri, Solat, Cerdas Cermat materi PAI, Qasidah, Adzan jeung Qiroatul Kutub.

Jejer kagiatan di Kecamatan Sukatani taun ayeuna “Membentuk Generasi Qur’an Berjiwa Tinggi dan Maju Dalam Berpréstasi”. 

Ketua Panitia, Ade Suhayat, S.Pd ka Warta Sunda*

Dina kasempetan éta ceuk Ketua Panitia, Ade Suhayat, S.Pd ka Warta Sunda ngajelaskeun yen nu ngiring lomba téh aya kana 31 sakola jenjang SD sarta Jumlah pamilonna kurang leuwih 700 urang siswa.

Runtuyan acara “Lomba Kreativitas Siswa Tingkat Kecamatan Sukatani 2024", poé Senen Pentas PAI tempatna di SDN 1 Sukatani, poé Salasa Pasanggiri Sirung Sunda Pinilih (PSSP) di SDN 1 Cianting Utara sarta poé Rebo KOSN & Oltrad sarta FLS2N di GOR PGRI Cabang Sukatani.

Siswa SDN 4 Panyindangan salasahiji pamilon Praktek Solat

Harepan Ketua Panitia, inyana sareng Para Di Kepala SD Sukatani, taun ayeuna mah hoyong kenging Juara Tingkat Kabupaten tur aya duta ka Tingkat Propinsi naon waé lomba. "Nilik hampir duaan taun ieu mah kirangna nyangking prestasi," pokna Ade Suhayat.***

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: