Dedikasina Pelatih Pencak Silat Mekarkeun Kelatnas Perisai Diri Cabang Kabupatén Kuningan

Dedikasina Pelatih Pencak Silat

Mekarkeun Kelatnas Perisai Diri Cabang Kabupatén Kuningan 

Kabupatén Kuningan – www.wartasundaonline.com,

P

encak Silat, minangka seni beladiri asli Indonésia nu geus diangken ku Dunia alias ku Unesco. Ngan teu gampang kitu waé dina ngawanohkeun ka masarakat téh. Hususna ka para nonoman era milneal, malahan ayeuna mahabuna beladiri bangsa deungeun.

 

Katerangan Poto : Syamsun Munir Alam beserta Istri Nita Agustiyan, S.Pd.*

Dina hal ieu mah, di Kuningan ku ngawanohkeun pencak silat téh dialpukahan ku Syamsun Munir Alam nu boga tekad pikeun ngamekarkeun pencak silat kalayan daria. 

Inyana salahsaurang nu aya dina beungkeutan Keluarga Silat Nasional Indonesia Perisai Diri di Kabupatén Kuningan ngokojoan timimiti ti tanggal 28 November 2008 sawatara katukang.

Keluarga Silat Nasional Indonesia Perisai Diri atawa nu disingkat KELATNAS Indonésia Perisai nyaéta bagian tina 10 perguruan historis IPSI nu diaranan Kelatnas Perisai Diri.

Kelatnas Perisai Diri didegkeun ku Raden Mas Soebandiman Dirdjoatmodjotanggal 2 Juli 1955 di Kota Surabaya, Provinsi Jawa Timur. R.M. Soebandiman Dirdjoatmodjo atawa dikenal Pak Dirdjo nyaéta putra cikal ti R.M. Pakoe Soedirdjo, buyutna ti Sri Paduka Paku Alam II.

Nanjeurkeun ajén-inajén Kelatnas Perisai Diri éstuning ku sabar tur dedikasi-na. Kiwari Kelatnas Perisai geus mekar kalayan dipikaresep ku barudak rumaja katut paranonoman di sakuliaheun Kabupatén Kuningan poma sakola-sakolana ogé yén Kelatnas Perisai Diri jadi salasahiji ekstrakurikuler di tiap sakolana. Kitu ceuk Syamsun Munir Alam ka www.wartasundaonline.com sawatara waktu katukang dibumina.

 

Katerangan Poto : Pelatih Pencak Silat Syamsun jeung Anggota KELATNAS Perisai Diri Kabupatén Kuningan, Jawa Barat.*

Dina umurna nincak kana 12 taun (28 November 2020) Kelatnas Perisai Diri Cabang Kabupatén Kuningan sok mihalekeun jargon TOHAGA (TerOrgranisir Harmonis dan AGAmis).

Kukituna harepan Syamsun, “Kahareupna mugia Kelatnas Perisai Diri Kabupatén Kuningan leuwih mekar tur tiasa jadi bagian tina pelestarian budaya Indonésia hususna Pencak Silat nyoko kana Perda Guberur Jawa Barat,” pokna.***

 

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: