Bupati Ciamis Narima Panghargaan Proklim 2020
Bupati Ciamis Narima Panghargaan Proklim 2020
CIAMIS - wartasundaonline.com
Bupati Ciamis H.Herdiat Sunarya, meunang panghargaan Program Kampung Iklim (Proklim) ti Kementerian Lingkungan Hidup & Kehutanan. Panghargaan ditarima waktu Festival Iklim Tahun 2020, ngaliwatan virtual nu diiluan ku sabanBupati/walikota sa Indonesia,Jumat (23/10-2020)
Eta panghargaan Proklim ti Kementrian Lingkungan Hidup & Kehutanan teh,tahun kamari oge kungsi katarima ku Bupati Ciamis H.Herdiat Sunarya. Tahun kamari mah bareng narimana jeung Bupati Purwakarta, waktu milangkala Hari Air Sedunia,nu diayakeun di Waduk Jati Luhur Purwakarta. Ari ayeuna,ukur Bupati Ciamis wungkul sa Provinsi Jawa Barat.
Bupati Ciamis, meunang peunteun ku Kementrian Lingkungan Hidup & Kehutanan alatan gemet dina kawijakan-kawijakanana nu ngarojong pisan pikeun nurunkeun emisi gas rumah kaca atawa emisi karbon. Oge ngarojong dina pengendalian parubahan iklim di daerahna.
“Alhamdulilah Kabupaten Ciamis narima deui panghargaan Proklim Tahun 2020. Tiasa mertahankeun prestasi nu kungsi kacangking tahun kamari”,cek Bupati Ciamis H.Herdiat Sunarya,nu direujeungan ku Dr.H.Taufik Gumelar,Kepala Dinas Perumahan Rakyat,Kawasan Permukiman & Lingkungan Hidup (DPRKPLH) Kabupaten Ciamis,Jumat (23/10-2020).
Cek Kepala Dinas DPRKPLH Kabupaten Ciamis, Dr.H.Taufik Gumelar, pangna Kementrian Lingkungan Hidup & Kehutanan masrahkeun panghargaan ka Bupati Ciamis H.herdiat Sunarya teh alatan eces pisan perhatianana pikeun ngurangan emisi gas rumah,anu strategina natrat dina RPJMD Kabupaten Ciamis. Nilik dina misi ka opat RPJMD,nandeskeun pemanfaatan sumber Daya Alam (SDA) berbasis pembangunan berkelanjutan.
Eta misi anu natrat dina RPJMD Kabupaten Ciamis teh dikuatan ku Surat Keputusan Bupati tentang netepkeun wilayah nu baris dilarapkeun Program Kampung Iklim dina tahun anggaran 2020. Sacara teknis program Proklim ditandeskeun deui ku Surat edaran Bupati Ciamis tentang pelaksanaan program kampung iklim. Eta program kampung iklim teh geus dilaksanakeun ti tahun 2013. Salila tujuh tahun,geus narima 10 tropy jeung sertifikat Proklim ti sapuluhlokasi.
Ayeuna tahun 2020 daerah nu meunang panghargaan Proklim teh nyaeta;Dusun Pasirtamiang Tonggoh Desa Pasirtamiang jeung Dusun Antralina Desa Sumberjaya kecamatan Cihaurbeuti. Dusun Pasir Peuteuy Desa Pawindan,Kecamatan Ciamis. Tepi ka Tahun 2020 ayeuna geus diajukeun 28 lokasi,pikeun program kampung iklim. Eta lokasi teh kabeh geus disurvei,tinggal diprogramkeun.*D.RUHIMAT
0 Response to "Bupati Ciamis Narima Panghargaan Proklim 2020"
Posting Komentar