SANISKARA MILANGKALA KABUPATÉN KARAWANG DIPAGELARKEUN

 

KARAWANG - Warta Sunda Onliné,

Dina raraga miéling Kabupatén Karawang ka-387 taun 2020 ieu, tangtu béda jeung taun-taun katukang, kulantaran masih kénéh ayana sasalad Covid-19. Taun-taun katukang mah Hari Jadi dipagelar ku ayana saniskarr kagiatan ogé ritual tradisi, tapi taun ayeuna mah acarana sedernaha.

Sekda Kab. Karawang H. Acép Jamhuri netelakeun, dina situasi sasalad Covid-19, panitia rék ngawatesan kagiata miéling Kabupatén Karawang di lingkungan Pemkab sareng warga masarakat ku cara nerapkeun protokolér kaséhatan.

Téma nu diangkat Hari Jadi ka-387 taun ieu, nyaéta "Rempug Jukung Sabilulungan Ngawangun Kota Pangkal Perjuangan", Inyana ogé ngajelaskeun téma ieu nu ngandung harti yén sakabéh stake holdér kudu gawé rancagé pikeun ngawujudkeun Karawang leuwih hadé.

"Tina hasil diskusi jeung rapat persiapan HUT Karawang sawatara waktu katukang sapuk téma éta. Sok sanajan ayeuna Karawang mapag pilkada, tapi warga masarakat kudu tetep solid jeung bajuang babarengan pikeun ngawangun Karawang," pokna Sekda ka awak média, Salasa (8/9/2020) isuk.

Saniskara miéling Hari Jadi, pokna Sekda, “Opat poé kagiatan dilumangsungkeun ti mimiti Pengajian jeung Do’a Bersama di Masjid Agung Syech Quro Karawang lumangsung, Saptu, 12 September 2020 jam 08.00 WIB. Poma pengajian ieu sacara virtual. Pon kitu deui, jama’ahna nu datang ka masjid ogé diwatesan sagkan teu nimbulkeun karumunan."

Salajengnaa poé Ahad, ping 13 September, 2020 jam 19.00 WIB dilaksanakeun Tawasul Budaya jeung Ziarah di Makam Bupati Pertama Karawang Adipati Singaperbangsa di Manggung Jaya, Kecamatan Cilamaya Kulon.

"Tangtuna tetep nerapkeun protokolér kaséhatan jeung ngajaga jarak salila di aréa makam," ngeceskeun.

Sedengkeun dina poé Senen, ping 14 September 2020 Agustus 2020 jam 08.00 WIB, dimagelarkeun Apel Besar HUT Karawang di Halaman Plaza Pemda dilajengkeun Rapat Paripurna DPRD Karawang jam 10.00 WIB.

"Tamu ondanganana ogé diwatesan tanpa ngurangan makna jeung tradisi nu geus biasa," tambahna. Ogé teu hilap puncakna HUT Karawang dipungkas ku kagiatan Mancing Bersama poé, Saptu ping 19 September 2020 ti mimiti jam 07.00 WIB. Kagiatan mancing éta digelar di genep titik irigasi nyaéta ti mimiti Perumahan Bintang Alam, Kecamatan Telukjambe Timur, Kecamatan Rengasdengklok, Cilamaya Wétan, Purwasari, Telukjambé Timur jeung Majalaya.

"Pemkab nyadiakeun 5 ton lauk keur kagiatan mancing haratis. Soal protokol kaséhatan, keur mancing mah teu perlu berkerumun. Pamilon bisa milari tempat nu kira-kira cocok jeung haté poma tetep jaga jarak tur tetep maké masker," saur Sekda mungkas.

Sumber ti Diskominfo Kabupatén Karawang

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: