Domba Si Udin Ku: Qisantang
Si Udin boga domba alus, di Majalaya aya Kontes Domba Sehat, hadiahna duit Rp.300 rb, si Udin ngiluan lomba.
Alhamdulillah tah meunang kontes téh, hadiahna duit 300 rb, dibayar kontan ku Panitia harita kénéh, duitna 3 lambar 100rebuan.
Pas waktu narima hadiah, bakat ku geumpeur duitna anu 300 rb murag, langsung diteureuy ku domba na.
Panitia nyarankeun yén domba na sina nginum kopi, terus ditepak-tepak bujurna, ngarah domba na bisa utah, méh duit nu diteureuyna bisa kaluar.
Si Udin balik bari néangan tukang kopi, bari nunungtun si domba.
Pas aya tukang kopi si Udin mesen sagelas kopi.
Ku si Udin kopi na diinumkeun ka si domba saregot, terus ditepak-tepak bujurna,
Da bener geuningan kaluar salambar duit 100 rebu,!!!
Tukang kopi jadi panasaran, langsung nawar 3 juta supaya domba si Udin jadi milik manéhna.
Si Udin ngajawab singket :
"Teu dijual,!!!"
Si Udin nginumkeun deui kopi, terus nepakkan bujur Domba na,
Kaluar deui tah duit 100 rebu...!!
Tukang kopi beuki panasaran, ditawar éta domba si Udin téh jadi 10 juta.
Si Udin tetep angger keukeuh nampik bari nginumkeun deui kopi ka domba na, ditepakkan deui bujur domba na téh, terus utah deui duit 100 rebu.
Tukang kopi beuki panasaran pisan, tuluy nawaran duit 25 juta ka si Udin.
"Deal,!!!"
Ceuk si Udin bari meni atoh.
Tungtungna si domba teh jadi milik si Tukang Kopi.
Isukna rame aya berita dina headline koran :
"Tukang Kopi ditahan Pulisi ku sabab najongan bujur domba nepi ka paéh,!!!"
Dek seuri pek,
Dek ambek pek,
Teu dibaca oge meureun geus dibaca.
Jadi,!!!
Hirup mah teu kudu kabita ku milik batur nepi ka hayang miboga, komo bari teu nyaho mimitina, sabab takeran rezeki moal bisa sarua.
Wilujeung wayah kieu.
0 Response to "Domba Si Udin Ku: Qisantang"
Posting Komentar