Perwakilan Dinas Pendidikan Ngadongdon ka Sukasari Aya Naon, Nya!!!

Katerangan Poto : ti katuhu H. Danén Ruswadi, SP.d., MP.d (Korwil IV Jatiluhur – Sukasari), Rusyana, S.Pd., M.Pd. (Kasi Pendidik dan Tenaga Kependidikan SD), Dodi Winandi, S.Pd, M.M. Kepala Bidang Pembinaan Ketenagaan Dinas Pendidikan Kabupatén Purwakarta sarta Aries Rapelianto, ST. (Kasi Pendidik dan Tenaga Kependidikan SMP) di SDN Kertamanah, Sukasari, Purwakarta, Salasa (4/8/2020).*

Perwakilan Dinas Pendidikan Ngadongdon ka Sukasari, Aya Naon, Nya!!!

SUKASARI – Warta Sunda Onliné,

D

inas Pendidikan Kabupatén Purwakarta poé Salasa, 4 Agustus 2020 ngadongdon ka Sukasari pikeun ngalaksanakeun Pembinaan dan Evaluasi kinerja GTT atawa Pembekalan Guru-Guru Honorér keur taun 2020 di Kecamatan Sukasari.

“Pembekalan Guru éta téh, minangka upaya pamaréntah pikeun ningkatkeun mutu jeung uji kompetensi tenaga pendidik, dina mekanisme teknis nu geus diatur ku pamaréntah ngalewatan Dinas Pendidikan Kabupatén Purwakarta.” Kitu ditetelakeun ku Dodi Winandi, S.Pd, M.M. Kepala Bidang Pembinaan Ketenagaan Dinas Pendidikan Kabupatén Purwakarta,  nalika muka acara Pembinaan dan Evaluasi kinerja GTT, Salasa (4/8/2020) di SDN Kertamanah Kecamatan Sukasari Kabupatén Purwakarta.

Pamilon Pembinaan dan Evaluasi kinerja GTT Kecamatan Sukasari.*

Dina hal ieu mah, tenaga pendidik nu tos kenging sertifikasi pendidik éta pendidik atawa guru éta geus kasebutna profesional dina nyieun sistem jeung praktek pendidikan nu berkualitas nu ahirna guru/pendidik kenging sertifikasi pendidik éta, kedah tiasa mawa parobahan keur pedidikan tina segi proses katut outputna.

H. Danén Ruswadi, SP.d., MP.d (Korwil IV Jatiluhur – Sukasari),.*

“Sok sanajan dina kaayaan sasalad covid-19 ieu, tetep kedah tuhu kana anjuran pamaréntah ngeunaan protokolér kaséhatan, hususna dina acara nu samodél kieu,” pokna Dodi.

Ungkara di luhur éta ogé dihaminan ku H. Danén Ruswadi, SP.d., MP.d (Korwil IV Jatiluhur – Sukasari), pihakna miharep ka guru-guru di Kecamatan Sukasari  sangkan ngajalankeun protokolér kaséhatan nu diembarkeun ku pamaréntah.

Ketua K3S Kecamatan Sukasari, Jajang Jumyati, S.Pd.*

Lain halna ceuk Ketua K3S Kecamatan Sukasari, Jajang Jumyati, S.Pd nalika diwawancaraan ku Warta Sunda Onliné, pihakna ngiring reueus yén guru-guru di Sukasari dibina tur dibekelan kaélmuan tenaga pendidik. “Sok sanajan kaayaan covid-19 ieu pamilonna teu weleh ngagunakeun masker,” pokna.

Pamilon Pembinaan dan Evaluasi kinerja GTT Kecamatan Sukasari.*

Acara Pembinaan dan Evaluasi kinerja GTT Kecamtan Sukasari Jumlah pamilonna aya kana 43 urang GTT, 10 Kepala Sekolah, katut nara sumberna ti Dinas Pendidikan Kabupatén Purwakarta nu ngawengku : Kepala Bidang Pembinaan Ketenagaan Dinas Pendidikan Kabupatén Purwakarta, Rusyana, S.Pd., M.Pd. (Kasi Pendidik dan Tenaga Kependidikan SD), Rudi Iskandar, S.Pd. (Kasi Pendidik dan Tenaga Kependidikan PAUD Dikmas), Aries Rapelianto, ST. (Kasi Pendidik dan Tenaga Kependidikan SMP) katut H. Danén Ruswadi, SP.d., MP.d (Korwil IV Jatiluhur – Sukasari) tur Pengawas Bina Kecamatan Sukasari ,(Odang Saepudi ,SP.d).***

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: