Wates Ringkang - Ku : Riskaya09
Wates ringkang
Jagat eundeur ku léngkah-léngkah
Nu unggal usik pulang-anting
Ti unggal juru ka unggal juru
Aya nu diboro poho nu dituju
Jagat ngocéak
Geus beurat ditincak
Ruksak ku awak-awak jalingkak
Nu ngumbar cakakak
Jagat ngaheureutan
Pinuh ku rasa sieun
Perkara leutik nu nyamuni
Neundeun ririwa na jajalaneun
Jeung dina rénghapna unggal tikoro
Teu bisa ka mamana sakabéh jalma
Diwates inggis jeung boa-boa
Sasalad nyangsang na unggal ringkang
Ngawatesan diri nu méh lali ka Gusti
(Sosial distancing)
Bojongsoang, Mei 2020
0 Response to "Wates Ringkang - Ku : Riskaya09"
Posting Komentar