Maung Lodaya keur Tapa di Gunung Cupu.
Katerangan Poto :
Maung Lodaya keur Tapa di Gunung Cupu.
PLÉRÉD – Warta Sunda Onliné,
Wewengkon Jawa Barat geus pada apal tina simbol maung
lodaya. Saperti halna di Gunung Cupu Désa Anjun Kecamatan Pléréd aya maung
lodaya keur tapa. Tapana éta téh dina raraga keur mapag romadhon di Kompepar
Hutan Pelangi Gunung Cupu pingpinan Bah Vijeuy.
Ceuk Mang Koko Komarudin (51) keur ngabebenjokeun maung
lodaya, salila saminggu di elus-elus. Di nangna-nengne, ti mimiti awak nepika
buluna dikasepan deui.
Ari sing horéng Mang Koko téh keur ngarengsekeun
pesenan Pa Sugiono Babinsa Désa Anjun Koramil Pléréd. Pesenan éta téh keur
mapaés endahna kantor Koramil Pléréd caket Mesjid Jami Baeturrohim.
Mang Koko nyebutkeun ka Warta Sunda Onliné, sawatara
poé katukang, yén tina nyieun Maung Lodaya ciptaanna téh teu leupas tina bahan
saaya-aya saperti 4 sak semen, rrancang pibahaneun tali kawat, ram kawat,
“Ngan nu leuwih alus mah bahanna tina taneuh liat
ngadamel maung téh. Lian ti gampang ngecet ogé persenyawaan cet leuwih nyerep
kana taneuh, pokna Koko.
Sedengkeun bahan tina semen rada bangga keur ngajirim
maung lodaya sampurna.
Lain halna ceuk Pepen Kusnadi (pupuhu PPSI Kecamatan
Pléréd), yén di Gunung Cupu Désa Anjun Kecamatan Pléréd téh mibanda pangrajin
anu pinuh ku pangabisa tina nyieun sarwaning sasatoan keur nu pesen, saperti
halna kukuyaan, sisingaan, gagajahan jeung nu séjénna, komo kendi mah, anjeunna
(Koko) tiasaeun pisan ngadamelanana.
Kukituna ka para pamaos Warta Sunda Onliné, bilih di
bumina hoyong dipapaes ku patung sarwaning sato bohna nu lain tiasa dongkap waé
ka Gunung Cupu Désa Anjun Kecamatan Pléréd tepang Bah Vijey, soalna anjeunna
ngokolakeun wisata edukasi.***
0 Response to "Maung Lodaya keur Tapa di Gunung Cupu."
Posting Komentar