SANGGAR SENI PANGAUBAN KAWIH SUNDA "SEKAR KAWINAYAN" PURWAKARTA

Keterangan Poto : Susunan Pangurus Sanggar Seni 

Pangauban Kawih Sunda "SEKAR KAWINAYAAN"

Kabupatén Purwakarta Masa Bhakti 2020-2023

Luyu anu tinulis dina Akta Notaris sareng SK Kemenhum 02-04-2014, tanggal 4 Maret 2020 Sanggar Seni Pangauban Kawih Sunda "Sekar Kawinayan" Purwakarta, panceg umurna 6 taun.

Salila 6 taun kiprahna tetep ajeg, panjeg turta jejeg, angger teu robah, nyaėta ngokolakeun, miara, ngaropėa warisan Budaya Sunda.

Sanggar Seni Pangauban Kawih Sunda "Sekar Kawinayan" Purwakarta, nyaėta tempat pangipukan, panglokatan, pamekaran, pamesatan Kawih Sunda, sangkan Sunda komaraan, binarung karaharjaan.

Anu jadi sasaran binaan, nyaeta Masarakat, kalebet Bapa/Ibu Guru kalih siswa SD/SMP/SMA/SMK sa-Kabupaten Purwakarta.

Visi & Misi Sanggar Seni 

Pangauban Kawih Sunda "SEKAR KAWINAYAAN"

Dina emprona, Sanggar Seni Pangauban Kawih "Sekar Kawinayan" Purwakarta sok gawė bareng sareng Disparporabud, Disdik ogė diwuwuh ku Pangauban Kawih Sunda Jawa Barat anu disesepuhanan ku Ibu Neneng Dinar.

Dumasar Anggaran Dasar sareng Anggaran Rumah Tangga, Program anu lumangsung aya 5, diantawisna: 1) Pembinaan anu biasa lumangsung tiap saptu tu tabuh 10.00 dugi ka tabuh 14.00 di Sekrerariat Sanggar Seni Pangauban Kawih "Sekar Kawinayan" Purwakarta anu alamatna di Kp. Karangsari Jl. Emud No. 19 RT 08 RW 02 Desa Citalang Kec/Kab. Purwakarta. 41111. 2) Pagelaran, 3) Pasanggiri, 4) Ngiring Pasanggiri Kawih Sunda di Tingkat Jawa Barat, 5) Evaluasi sareng Mieling Milangkala.

Mangrupi pangajak ti Ais Pa Pangampih Hayu ka sing saha waė, boh Seninan, Budayawan kalebet Praktisi Seni anu mikaresep sareng mikacinta Seni Kawih Sunda, hayu urang sasarengan ngamumule, rumawat ogė ngamekarkeun Kawih Sunda.

Mugia Seni Budaya Sunda, hususna Kawih Sunda tetep nanjeur turta nanjung kalayan ajeg, hejeg, panjeg, malah mandar Digjaya Purwakarta, Wibawa Karta Raharja, Gemah Ripah, Rėpėh Rapih.

Cag!

H. Ade Suryadin, S.Pd., M.M.Pd. - (Pupuhu Sanggar Seni Pangauban Kawih Sunda "SEKAR KAWINAYAAN" Seni Pangauban Kawih "Sekar Kawinayan" Purwakarta)

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: