Carita Nyambung : # Adi Pulung # Bagéan Ka-2.
#CaritaNyambung_#AdiPulung#_BagéanKa-2_Ku:RatnaNing#
B
|
ageur Geri tèh. Beuki heureuy deuih. Resep mun ngobrol
jeung manèhna sok sumringah wè seuseurian.
Keur anyaran ulin mah puguh gè
rada sieun. Sieun ulinna Geri tèh jiga lalaki lalaki sèjèn. Abongkèna ka randa,
sok purunyus jeung ngalècèhkeun. Kawas Darma, Pandi jeung Duloh. Karèk sakali
ulin geus kumawani capang cepeng. Kulang kalèng. Komo Darma mah, makè wani
nyium sagala. Pajarkeun tèh, wajar, piraku teu kangen. Prèèèttt...Teu ieuh.
Tapi Geri mah henteu. Diuk gè
sok pajauh. Pajarkeun tèh bisi nyetrum.
"Piraku ka Geri nyetrum
mah ah. Budak kamari sorè ogè!" Kuring sok ngalècèh.
"Yèlèèhhh lalawora ai
tètèh. Budak satepak gè geus peurahan Geri mah Tèh. Geus bisa ngabura
deuih..."
"Nya da oray
sinduk!"
Kitu wè, kuring jeung Gèri
jadi akrab. Kuring asa ka adi. Gèri gè meureun kitu. Manèhna perhatian pisan ka
Aldi jeung Ani, lanceukna. Najan Ani geus kelas tilu SMP, Geri teu ragab mun
nganteur kaditu kadieu.
"Kadè Ani tong dibogohan
Gèr. Ani mah kajeun bongsor gè bolon kènèh...' kuring sok ngaheureuyan.
"Ahh teu kabita Geri mah.
Asa ka adi ka Ani tèh. Daripada ka anakna mah mending ka indungna wèè..."
'Hiiiss...indungna mah geus
nini nini ihhh..." kuring ngagebès. Gèri nyèrèngèh.
Teu boga pikir nanaon keur
kuring mah. Deukeut ..akrab jeung Geri nya asa ka adi wè. Asa ka babaturan
ongkoh. Gèri sok nelepon mun kuring rèk nutup toko. Kadieunakeun mah ampir
unggal sorè manehna datang mapagkeun bari mantuan nutupkeun toko.
"Karunya ka Tètèh. Keun
wè da pagawèan Geri mah nyantèy. Sorè mah geus bèrès marab hayam ongkoh!"
Kuring asa boga batur
pakumaha. Batur ulin ongkoh nu mawa hatè tenang. Mun malem minggu sok diajakan
ngaliwet di babaturannana. Kajeun asalna mah embung. Sieun Geri ngarasa èra
mawa awèwè geus nini nini.
'Naha makè kudu èra. Pan Tètèh
tèh lanceuk Geri atuh. Kajeun Gerina embung jadi adi ogè..."
"Tuhhh pan. . . Èra nya
boga lanceuk gorèng?"
"Henteu ih. Tètèh tèh
manis. Komo mun tos imut. Lucu..."
Nyambung...
Nyambung...
0 Response to "Carita Nyambung : # Adi Pulung # Bagéan Ka-2."
Posting Komentar