PASIPATAN JALMA
Pasipatan jalma aya dua rupa, nyaéta sipat hadé jeung sipat goréng.
Pasipatan jalma nu hadé
Getol = upama digawé henteu loba ngareureuh, budak sakola jarang absén.
Rajin = daékan kana gawé
Rapékan = sagala pagawéan dicabak
Wekel = digawé henteu bosenan
Singer = kana gawé trampil
Béréhan = resep barang béré
Tanghian = resep hudang isuk-isuk
Soméah, daréhdéh, géréwél = akuan, resep nanya
Gemi, rikrik = resep neundeun rejeki
Wanteran = wani, henteu éraan
Daékan = lamun dititah tara hésé
Pinter = uteukna sagala bisa
Sopan = nyaho anggah-ungguh tatakrama
Parimpen = neundeun barang dina tempatna, henteu asal baé
Tartib = ati-ati dina sagala pagawéan
Satuhu = nurut kana sagala papatah/paréntah
Apik = Ati-ati kana pagawéan supaya hasilna hadé
Berséka = apik kana ngurus awak jeung pakéan
Adil = henteu pilih kasih
Wijaksana = mutuskeun hiji perkara pisugemaeun, teu aya pacéngkadan
Balabah = resep tutulung
Basajan = sederhana, henteu kaleuleuwihi dina laku lampah
Suhud = soson-soson kana pagawéan
Tarapti = henteu lalawora dina sagala rupa hal, salilana ati-ati
Antieum = lungguh, henteu loba tingkah
Surti = nganyahoankeun kana kahayang batur
Deudeuh = Welas asih atawa nyaah ka sasama
Sabar = tara ambek
Tawekal = dina sagala rupa hal prihatin henteu aral
Pasipatan jalma nu goréng:
Kebluk = jalma anu hésé dihudangkeun
Mumulan = embung digawé
Deleka = resep nyiksa sasatoan
Codéka = geus katohyan kalakuan goréng
Cunihin, purunyus = tingkah lacuna pikasebeleun
Awuntah = teu bisa nyimpen rejeki
Rucah = resep miceunan duit teu puguh
Cegisan, cegékan = henteu payaan resep ngawada
Centil, ganjen = tingkah lacuna kaleuleuwihi
Kuuleun = anu teu aya guam, teu boga kahayang
Cileureun = balangah upama di sina tunggu
Murugul = mawa karep sorangan
Géhgéran = resep pipilueun
Nyendeng = awéwé baha ka salaki
Céngéng, belikan, delitan = gampang putus harepan atawa tampaan kana omongan
Tolohéor = mata karanjang teu kaop nempo nu geulis
Beubeulieun = resep diugung-ugung
Orowodol = digawé asal baé
Tiktikan = méré résiko (balanja) sok ngutik-ngutik ditanyakeun
Barangasan = gedé ambek
Bengis = gede ambek sok mergasa
Panasbaran = jalma panasan teu kaop kaluhuran dunya
Tungi, degig = bedegong tara daék nanya
Campelak, culangung = wani ka saluhureun
Limpeuran = pohoan kana teundeun sorangan
Teureugeus, seureudeug = digawéna gurung gusuh
Suudon = goréng sangka ka batur
Ngabalun = indit-inditan kamana karep
Saliwang, liwar = salah pangdéngé
Burahol = gedé rahul (wadul)
Wangkelang = tara nurut kana papatah
Cologog, colonos = teu aya tata krama
Tambélar, jolédar = henteu ngariksa ka kolot
Bawél = resep nganteurkeun omongan ka batur
Céréwéd = réwél teu weléh ngomong
Pelekik = sok ngarah barang atawa ajang keur batur
Malaweung = teu husu upama dipapatahan
Cidra = bohong kana janji.
Cag.
