Hari Santri, ASN Purwakarta Disararung
Purwakarta – Warta Sunda
Onliné,
B
|
upati
Purwakarta, Anne Ratna Mustika ngainstruksikeun ka para pejabat jeung Aparatur
Sipil Negara (ASN) di lingkungan Pemkab Purwakarta sangkan nganggo sarung jeung
kopéah hideung atawa raksukan ala santri. Hal éta poé ayeuna luyu sareng
miéling Hari Santri Nasional tanggal 22 Oktober 2019.
Hari Santri Nasional, saméméhna ditetepkeun dina Keputusan
Presiden No 22 tahun 2015, Salian para pejabat jeung ASN, guru katut pelajar ogé
dihimbau pikeun nganggo sarung jeung peci, husus dina miéling poé santri.
"Dipiharep, para pejabat sarta pagwé diwajibkeun maké raksukan
muslim. Keur pejabat lalaki mah, maké baju koko kumplit jeung sarung katut peci.
Sedengkeun keur pejabat awéwé, nyesuaikeun atawa maké baju gamis," pokna
Anne, Senin (21/10). Di Balé Sawala Yudistira Purwakarta.
Pokna deui Anne, imbauan ieu geus dibewarakeun ka sakabéh pagawé
di Purwakarta, pon pagawé di lingkungan OPD atawa sakabéh guru kalebet pelajar.
nurutkeun Anne, biasana saragam nu digunakeun ASN tiap poé Salasa
nyaéta Pakaian Dinas Harian (PDH) warna, namung poé ayeun mah pejabat teu maké
PDH. Tapi, sapoé ieu mah, aranjeunna tetep maraké sarung, baju koko jeung peci.
"Kanggo warnana mah, bebas. Teu aya kelir husus," pokna.
Dina saniskara Hari Santri Nasional (HSN) taun ieu, Pengurus
Cabang Nahdlatul Ulama (PCNU) jeung Kementrian Agama Kabupatén Purwakarta ngagelar
Dzikir, Sholawat jeung Ceramah Kebangsaan nu penceramahna Kiyai Ayip Abas ti
Buntet Cirebon.
Kagiatan ieu dihadiran ti pengurus wakil cabang (PWC) NU sa-Kabupatén
Purwakarta, Pimpinan Pondok Pesantrén sa-Purwakarta, ulama-ulama NU,
banom-banom NU diantarana, Muslimat, Fatayat, GP. Ansor, IPNU, IPPNU, jeung
PMII Purwakarta, Mapolres, sarta Muspida katut Muspika Kabupatén Purwakarta.
Ceuk Ketua PCNU Kabupatén Purwakarta, Bahir Muhlis ngeceskeu yén
kagiatan dzikir, sholawat jeung ceramah kebangsaan ieu ngarupakeun saniskara kagiatan
HSN anu badé dipagelarkeun poé Salasa, (22/10/2019) puncakna HSN.
"Dina hal ieu, PCNU rék ngondang jeung ngarahkeun
santri-santri nu aya di Purwakarta pikeun ngiring aub Upacara. Salian ti kitu
ogé banom-banom NU ogé rék ngahadirkeun sakabéh pangurus ti berbagai
tingkatkan, ti mimiti tingkat Kabupatén, Kecamatan nepika Ranting," pokna
Ustad Bahir.
Kagiatan HSN taun ieu ogé ngaramekeun saniskara kagiatan lomba-lomba,
diantarana lomba MQK (Kitab safinah, Taqrib, Fathul Muin, Alfiyah Ibnu Malik),
Cipta Puisi, Photografi jeung Videografi. (*)
