6 Imah Warga jeung 1 Bangunan Sakola Ruksak Dampak Tina Blasting PT. Mandiri Sejahtera Sentra
"Imah Warga Kampung Cihandeuleum Désa Sukamulya RT. 09 RW 05, Kecamatan Tegalwaru, jadi sasaran muragna batu-batu garedé"
Purwakarta
– Warta Sunda Onliné,
B
|
atu-batu nu garedé tinggararuntul murag ti suku gunung,
alatan bencana. Tapi basa dipaluruh muragna éta batu téh lain ku bencana. Malah
mandar éta hasil ti para penambang pabrik-pabrik anu ngalakukeun ngabidamit gunung
di Désa Sukamulya.
Balukarna éta kajadian genep imah warga jeung hiji
bangunan sakola di daérah Kampung Cihandeuleum Désa Sukamulya RT. 09 RW 05, Kecamatan
Tegalwaru, jadi sasaran muragna batu-batu garedé. Kitu ceuk salah saurang warga
di éta padumukan, Junedi nyarios yén mudalna batu gedé mangrupikeun kagiatan perusahaan
batu di luhur.
Dina kamusibahan éta, Wakil Bupati, H. Aming langsung
ngadongdon ka wewengkon Kecamatan Tegalwaru pikeun mastikeun musibah nu
karandapan wargana, poé Rebo, (9/10).
“Tina hasil musawarah, yén warga nungtut imahna nu
ruksak téa sagancangna dioméan sarta pemulihan fisikologis éta warga,” Ceuk H.
Aming dilokasi kajadian.
Nurutkeun data, yén ngagilinding na éta batu téh
tiluhur gunung kira-kira 500 métér, ogé ngahancurkeun tatangkal jeung
patalimarga di ééta wewengkon. Katingalna batu nu gedé éta téh beuratna aya
kana 300 ton leuwih, nu ngabalukarkeun taneuh jerona sababaraha centi.
“Alhamdulillah, teu aya warga nu jadi korban lantaran
para warga keur araya dilaluar imah nalika kajadian tumiba,”pokna Aming.
Lain halna ceuk Dodi (37), imahna nu kamusibahan éta
téh rata-rata imahna, imah permanen nu biasa ditempatan ku warga.
“Kajadian musibah ieu kakara ayeuna tumiba. Sok sanajan
aktivitas pertambangan diwilayahna geus lila,” pokna.
Ku kajadian éta, Kabid Humas Polda Jabar, Kombes Pol.
Trunuyudo Wisnu Andiko, S.I.K., nepika ngadongdon tur mastikeun yén kajadian
musibah éta akibat dampak tina aktivitas blasting
atawa peledakan batu human error PT. Mandiri
Sejahtera Sentra (MSS), poé Salasa kamari.
Pihakna bari ngupahan warga nu ngarasa trauma éta, méré
pemahaman bisi kajadian susulan deui. Ku kituna 20 kepala keluarga dievakuasi
ka tempat nu aman. Sakalian nunggu kapastian ti pihak perusahaan.
Sedengkeun ceuk pihak Manager Teknik, Bambang Yuda (PT.
Mandiri Sejahtera Sentra (MSS), rék ngaganti karugian warga, sambil nunggu
kumaha carana dina ngaganti karugian musibah éta.
Nurutkeun béja cenah bakal aya Anggota DPRD Provinsi Jawa Barat ngadongdon kalokasi éta.***
Nurutkeun béja cenah bakal aya Anggota DPRD Provinsi Jawa Barat ngadongdon kalokasi éta.***
