MITRA MEDAR : PEUPEUJEUH
Kenging : Rusmahoni
Srangenge meletek beulah wetan
Mapag harepan nu bakal datang
Lengkah paripolah anu nirca
Harepan peunggas sapada harita
Poe angkeub jiga nu rek hujan
Hujan cimata
Anaking nu jadi tambakan rasa
Geura lilir geura harudang
Jarumatan laku jeung lampah
Ku ridho na nu Maha Kawasa
Sangkan hirup jeung huripna
Kapibanda salawasna
Anaking nu jadi harepan kalbu
Indung jeung bapa geura dipunjung
Sumujud kanu Maha Agung
Nafsu angkara kudu dibendung
Moal boga rasa kaduhung
Hidep jadi linuhung
Purwakarta, 22 September 2019
