WARTA TI SUKATANI : Kakaren Agustusan di Blok WK Mageuhkeun Talisilaturahmi
Kakaren Agustusan di Blok WK
Mageuhkeun
Talisilaturahmi
SUKATNI – Warta Sunda Onliné,
S
|
ok sanajan kagiatan
kamerdikaan Republik Indonésia ka-74 taun katempornakeun, tapi kurancagéan
warga di wewengkon Blok WK Kampung Cilalawi RT.08/RW.03 Désa Cianting Utara,
Kecamatan Sukatani, Kabupatén Purwakarta, Jawa Barat, ngayakeun saniskara kagiatan.
Nilik tina pamundut barudak nu biasa ngareuah-reuah tiap taunna. Pada hayang
aya kagiatan ngareuah-reuah Kamerdikaan RI.
Dina hal
ieu mah, kagaiatan éta téh ngawengku diantarana Lomba Balap Karung, Takol
Kendi, Makan Krupuk, Ngala Artos dina Gedang nu dibalur ku kecap. Lomba
Ngasupkeun Bandera kana Botol.
Pon kitu
deui nu dianti-anti dina momen Agustusan nu jadi icon nyatana Lomba Panjat
Pinang. Lomba ieu téh, minangka jadi pangresep hususna warga Indonésia umumna
kaum muda. Malah dina panjat pinang éta téh nu diparebutkeun diantarana pakakas
dapur, kadaharan, alat olahraga katut duit nu diamplopan. Saméméhna panjat
pinang éta téh tina awi gombong nu diameterna kurang leuwih 5 centimeter.
Kajaba ti
éta lomba maéng ball antara nonoman jeung ibu-ibu nu milu ngareuah-reuah kana
mieling kagiatan kamerdikaan RI nu ka-74. Kitu ditetelakeun ku salahsaurang
warga nu biasa aktifitas kejurnalisan di Purwakarta nu mediana (Koran Sunda
Galura sarta ngokolakeun Koran Onliné) Kang Anto S.
Lain halna
ceuk Ketua Panitia, O. Rohana, pihakna ngarasa reueus ku karancagéan ti
sadayana ti mimiti ibu-ibu tur bapa-bapa katut barudak ti mimiti bebenjit
nepika nu kakara beger. Sami-sami milu ngareuah-reuah,” pokna O.Rohana.
Sedengkeun
nu ngabingbing éta kagiatan téh, Bu Nanay minangka keur mandu lomba-lomba nu
disebutkeun diluhur téa. “Para pamilon antusias milu aub kana éta kagiatan, sok
sanajan panas nu ngabelentrang keur mah halodo panjang katarajang di Nagri
Indonésia,” pokna.
Salahsaurang
budak nu milu aub téh diantarana Aip, Jihan, Padli, Alya, Epul, Asri, Dendi jeun
nu lian-lianna, maranéhna ngarasa bungah
ku ayana kagiatan nu saperti kitu téh, malah miharep taun payun langkung meriah
deui.***
