WARTA KEPANDUAN : Lahan Perhutani “CIAWI” Dipiharep Jadi BUPER
Lahan
Perhutani “CIAWI”
Dipiharep
Jadi BUPER
PURWAKARTA – Warta Sunda Onliné,
L
|
AHAN
Perhutani nu aya di Kampung Ciawi, Désa Sindangpanon, Kecamatan Bojong,
Kabupatén Purwakarta dipiharep ku warga kepanduan Bojong, jadi tempat bumi
perkemahan Kecamatan Bojong. Nilik tina lahan nu sakitu hadéna pikeun buper
kalayan sirah caina teu pati teuing jauh.
Dinabiantarana
Ka. Mabiran Bojong, Drs. Wawan Darmawan, M.Si miharep ka para
pamilon Jamboré Ranting Taun 2019 Kwarran Bojong, pihakna peupeujeuh sangkan
miara sumber cai, ngajaga lingkungan sabudeureun buper.
“Omat,
sirah cai kedah dimumulé tur dipiara, kulantaran ayeuna mah keur warirat ku
cai,” pokna Mabiran.
Lain
halna ceuk Kepala Désa Sindangpanon, Kecamatan Bojong, Denden Pranayuda, SE
dina riungan sareng pihak kwarran sapagodos pikeun merjuangkeun buper ieu. Malahan,
pihak masih koordinasi jeung pihak kecamatan keur koordinasi sareng perhutani. “Do’akeun
tur rojongan ti sadayana sangkan nu dicita-citakeun mibanda buper téh ngawujud,”
pokna.
Sedengkeun
ceuk Ketua Kwarran Bojong, Lukman Suherman, S.Pd, M.Pd ka Warta Sunda Onliné via WA na, keur ngahadiran acara di Kwarcab
Purwakarta ngawakilan anggota nu lainna. Dina WA-na, inyana sapagodos nu
kahoyong ti Ka Mabiran tur Pa Kadés pikeun ngawujudkeun “CIAWI” BUMI PERKEMAHAN
Kwarran Bojong.
Béda
deui ceuk Ketua Panatacalagara, A. Fadli, S.Pd.I ka Warta Sunda Onliné, ngajelaskeun kana kagiatan Jamboré Ranting Taun
2019 Kwarran Bojong nu dipuseurkeun di Buper Ciawi, ti mimiti ping 13 – 15 Agustus
2019, témana ngeunaan “Pramuka Bisa, Kwarran Bojong Jaya”. Sedengkeun pamilon
nu milu aub téh ti tingkat SD jeung SMP sa-Kecamatan Bojong. Tiap pangkalan
ngintunkeun 1 regu putra sareng 1 regu Putri (@ 11 urang).
Ceuk
Sekretaris Panatacalagara, Dedi Supriadi ngajentrekeun yén kagiatan nu saperti
kitu téh tujuanana pikeun ngareuah-reuah Milangkala Pramuka ka-58 Taun 2019. Pon
kitu deui minangka evaluasi para pembina ka peserta didik. Sedengkeun jumlah
pamilon aya kana 726 urang nu ngawengku ti 22 Siaga, 11 penggalang sarta 3
penegak.***
Keterangan Poto : Perwakilan panatacalaga dina ngareuah-reuah
milangkala Pramuka ka-58 Taun 2019.*
