WARTA GEDONG DEWAN : Ieu Penghasilan Bulanan Anggota DPRD Purwakarta
Ieu Penghasilan
Bulanan Anggota DPRD Purwakarta
PURWAKARTA – Warta Sunda Onliné,
P
|
anghasilan anggota
DPRD Purwakarta geuning lumayan gedé dina unggal bulanna téh. Malah tunjangan
nu rék dihasilkeun ku anggota dewan bisa katarimana Rp. 60 juta. Komo deui mun
nepika meunang posisi salaku pupuhu dewan bohna jabatan dina alat kelengkapan
dewan (AKD) lainna mah.
Data ti
Sekretariat DPRD Purwakarta nyebutkeun, yén wincikan pendapatan anggota DPRD Purwakarta,
diantarana tunjangan perumahan Rp16 juta, transportasi Rp10,2 juta, tunjangan
komunikasi intensif Rp8 juta, tunjangan jabatan Rp2,28 juta, tunjangan paket
Rp500.000, tunjangan beras Rp297.000 (asumsi jumlah keluarga tiga orang), tunjangan
keluarga Rp157.000, jeung tunjangan Pph Rp227.000. Mun dijumlah-jamleh mah
nepika Rp39,81 juta/bulanna téh.
Jumlah éta téh can ditambah mun anggota
DPRD éta meunang posisi pimpinan dewan jeung alat kelengkapan dewan (AKD) lainna.
Anapon kitu, ayana tambahan pendapatan tina tiap perjalanan dinas nu alokasi
anggaran bervariasi gumantung jarak tempuh. Pon kitu deui nominalna béda-béda saperti
kunjungan kerja di dalam kota jeung luar kota atawa antarprovinsi.
Sedengkeun kunjungan kerja dalam kota Rp800.000/urang, luar kota dalam
provinsi Rp1,8 juta/urang, jeung luar provinsi Rp2 juta/urang. Kunjungan ieu
téh, bisa sababaraha-kali dina sabulanna.
Ceuk Sekretaris DPRD Purwakarta, Drs. H. Suhandi, M.Si mertelaken, yén
kunjungan dewan ka luar provinsi rata-rata antara opat nepi ka lima kalina.
"Ngarah leuwih jelas sababaraha kalina mah bisa ditanya ka proker. Anapon kitu
keur alokasi anggaran kagiatan dewan luyu sareng peraturan perundang-undangan nu
lumaku," pokna Suhandi ka SINDOnews, Juma’ah (9/8).*** Asep Supiandi.
Keterangan Poto diluhur : Diantara Anggota DPRD Purwakarta manten.
