WARTA ATIKAN TI DARANGDAN : Para Peserta Didik SMAN 1 Darangdan Diwanohkeun Tata Cara Qurban jeung Manasik Haji
Para Peserta Didik SMAN 1 Darangdan
Diwanohkeun
Tata Cara Qurban jeung Manasik Haji
DARANGDAN - Warta Sunda Onliné,
|
N
|
abi
Ibrahim téh katelah Bapana para Nabi. Pangna disebut kitu, Nabi Ibrahim kacida
pinuji. Inyana mampu lulus tina rupaning ujian jeung cocoba ti Alloh SWT.
Nalika dibéré katurunan nu beunang hayang sanggeus sawatara taun dianti, témpo
gumelar Ismail dina mangsa dewasa kudu dikurbankeun. Nya kukawasaning Alloh,
Ismail digantikeun ku sato domba.
Tah, makna pinujina Nabi Ibrahim
nu geus hasil ngatik kulawargana sahingga taat ka Alloh pikeun ngajalankeun
paréntah-Na soksanajan beurat. Kitu deui ngatik garwana sahingga tetep sabar
sarta tawakal tur tumut kana parntah Alloh, sok sanajan ditinggalkeun di tempat
hara-haraeun bari ngemban titipan budak, Ismail orok.
Kitu mertalakeun Guru PAI SMAN 1
Darangdan, H. Tatang Adi Nugeraha, S.Ag ka para peserta didik nu nyaksenan Tata
Cara Qurban jeung Pelatihan Manasik Haji kelas X, poé Salasa, (13/8) di SMAN 1
Darangdan.
Dina kasempetan éta, ogé Kepala
SMAN 1 Darangdan Kabupatén Purwakarta, Tanty Erlianingsih, M.Pd basa ditalek ku
Galura, nyeubutkeun yén kagiatan
disakolana téh tos 7 taun ngayakeun kagiatan keagamaan nu dikemas dina
Pelaksanaan Tata Cara Qurban jeung Pelatihan Manasik Haji Kelas X.
“Tujuan kagiatan nu saperti kitu
téh, pikeun para peserta didik pikeun dialajar kaélmuan dina tata
cara meuncit hewan qurban tur cara-cara manasik haji. Pon kitu deui dipiharep,
engkéna dimana tos mampu gaduh rejeki sodakoh keur kurban. Malah mandar nepika
angkat ka tanah suci, hajian mah,” pokna Bu Tanty nu mupuhuan sakola ti 2016.
Lain
halna ceuk, Pembina Osis, Dihdih Sa’diah, SP. Inyana ngajelaskeun yén para
siswa digilir sakur nu kelas X kedah ngiringan Tata Cara Manasik Haji.
Sedengkeun peserta didik nu lainna mah dialajar cara-cara berqurban.
Sedengkeun
ceuk perwakilan Siswa Kelas XII IPA-1, Walid M Taufik, nalika diwawancara,
dirina ngarasa bungah kulantaran bisa leuwih apal dina adab-adab hajian tur
tata cara meuncit hewan qurban. “Malah mun panjang yuswa tur aya rejeki nu
ageung hoyong tiasa hajian ti keur ngora kénéh, ngarah dina ibadah hajian
tanaga masih fit,” pokna.*** Anto S
