PELESIRAN : Puluhan Urang Pengguna Medsos Dibebenjokeun Walking Tour 2019
Puluhan Urang Pengguna Medsos
Dibebenjokeun Walking Tour 2019
PURWAKARTA – Warta Sunda
Onliné,
Pihakna,
miharep para pengguna media sosial ieu anu diayak nepikana puuluhan urang téh
ngawengku ti Kabupaten / Kota Bandung, Sukabumi, Cianjur, Karawang jeung nu
lainna. Samalah, aranjeunna diulem ngiring aub dina kagiagatan Walking Tour
2019, nu tujuanana pikeun leuwih anteb dina ngawanohkeun destinasi
tempat-tempat wisata nu aya di Purwakarta.
Lian ti
éta, puluhan urang téh diajak jalan-jalan ceuk basa kerenna mah Walking Tour 2019 nu
rutena ti Eks Bakorwil ngaleut ngabandaleut mapay Situ Buleud, Diorama, Gedong
Kembar tur tumpak sarana transportasi Kidang Pananjung keur ngajugjug Mesjid
Tajug Gedé Cilodong.
Aranjeunna
puta-poto sakur nu katémpo di jepret kodak jeung kamera nu séjénna pikeun
ngahasilkeun potrétan anu hadé. Malah ceuk Sekdis Disporaparbud, “pamilon nu
Pinunjul ka-1 Baris nampi Voucher haratis pengnepan di Hotel Harper jeung Plaza
Hotel,” pokna.
Dina
kasempetan éta, redaksi ngawawancaraan salah saurang pamilon, sebut waé Néng
Heni (23) nu hobina puta-poto jeung ngamangpaatkeun tehnologi, ku ngiring aubna
janten pamilon dina kagiatan nu diayakeun ku pariwisata disporaparbud. Inyana
kataji ku hasil pangwangunan tur kaéndahan Purwakarta kiwari. Malah euyeub pisan
destinasi wisata Purwakarta téh ti suklak-ka siklukna, ti mimiti wisata
kuliner, wisata religi jeung wisata-wisata nu lainna.
Ku kituna
dina ngiring aub éta tiasa nyumbangkeun informasina ka halayak ramai hususna
warga Jawa Barat, umumna warga Purwakarta nu masih can apal tempat-tempat
destinasi wisata,” pokna Heni warga Purwakarta.
Lain halna
ceuk, Cep Idang nonoman urang Karawang ngarasa reueus kamajengan Purwakarta
hususna di dunya wisata. Malahan kataji ku tempat destinasi di Tegalwaru
ngeunaan Sasak Panyawangan.***
