BENTANG TAMU, KANDAGA BUDAYA SUNDA : Wanda Anyar di PPSI PAC Pléréd “Ibing Penca Silat Palérédan”
Wanda Anyar di PPSI PAC Pléréd
“Ibing Penca Silat Palérédan”
Ku : Anto Sukanto
PURWAKARTA – Warta Sunda Onliné,|
P
|
upuhu
Persatuan Pencak Silat Indonésia (PPSI) PAC Kecamatan Pléréd nyiptakeun Ibing
Silat Palérédan, terinsfirasi tina tepak Palérédan nu geus kakoncara
ka-awun-awun di dunia persilatan. Kitu ceuk Ketua PPSI PAC Kecamatan Pléréd,
Pepen Kusnadi nalika ngawangkong di redaksi Warta Sunda Onliné, di
Sukatani Purwakarta, poé Senen (19/8).
Pihakna rék ngajadikeun ibing
silat ieu janten kagiatan ekstrakurikuler mulok ka tiap-tiap sakola hususna di wewengkon
Kecamatan Pléréd.
Malah mandar, sim kuring dipilih
ku salapan paguron silat nu aktif di Kecamatan Pléréd ti ping 4 Agustus 2019
kamari. Tapi saméméhna, sim kuring geus ditunjuk tianggalna 22 Juli nu
katukang. Nilik tina hasil musawarah di bumina Bah Pijey di Gunung Cupu. “Nya
sim kuring pikeun mupuhuan PPSI PAC Kecamatan Pléréd,” pokna Pepen.
Masih ceuk Pepen. Ku ditunjukna
ku 9 paguron silat éta, sim kuring nyanggupan, tapi sim kuring boga dua
program. Diantarana hayang nyiptakeun Ibing baku has Palérédan nu jurusna
diciptakeun tur dirojong ku salapan paguron nu aya di Pléréd. Sarta Ibing Penca
Silat Palérédan bisa asup kana kagiatan ekstrakurikuler muatan lokal (mulok) di
tiap sakola-sakola, tapi pelatihna ti para paguron nu aya di Kecamatan Pléréd
pikeun ngalatihna.
Dina hal éta mah, pihak
pamaréntah nyatana Pa Camat Kecamatan Pléréd, Asep Sendjaja, S.IP ngarojong
kana program PPSI PAC Kecamatan Pléréd, malahan éta téh sami sareng ngamumulé
seni silat hususna ayeuna aya wanda anyar dina Ibing Silat Palérédan, minangka
tias ngeuyeuban hasanah dunia persilatan. Pléréd, lian ti Tepak Palérédan
ayeuna aya deui Ibing Penca Silat Palérédan.
“Pihakna, ngarasa bingah ayeuna
karancagéan para paguron silat tiasa nyiptakeun tur nyieun jurus palérédan nu
adumanis jeung ibing palérédan,” pokna Asep.
“Keur mah, geus ditatahar
tianggalna. Nalika sim kuring ngajabat di Kecamatan Kiarapedes tepang jeung
Kang Pepen. Ari yeuna tepang deui Kang Pepen nu nyepeng kalungguhan Penilik
PAUD sa-korwil nyatana Korwil VIII antara Pléréd jeung Sukatani. Nya, nyambung
jeung amprok deui program nu katunda téh,” Pokna Asep deui.
Dasar kudu kitu ari gagasan alus
mah, teu kahalang kusagara atawa gunung, da geuning nu dicita-citakeun téh
purun kalaksana. Komo deui ieu tujuanna pikeun ngahijikeun deui para paguron
silat nu aya di Kecamatan Pléréd bisa sabeungkeutan deui.
Malahan sim kuring mah rék
ngayakeun pasanggiri ibing silat palérédan sa-Kecamatan Pléréd. Minangka
mitembeyan mah pamilonna barudak di tingkatan jenjang SD jeung SMP. “Itung-itung
ngawanohkeun yén ayeuna lain tepak palérédan wungkul nu aya téh, tapi ibing
palérédan ogé aya. Harepan kapayun mah,
ibing palérédan tiasa dipikawanoh ku warga masarakat,” pokna.
Inyana ogé, sapagados ungkara
diluhur téh ngeunaan ayana ekskul mulok ibing silat palérédan. Ieu téh dina
raraga nangkis budaya deungeun ku mahabuna tehnologi. Anapon kitu barudak
sangkan tong nepika tawuran antar pelajar bohna tong nepika ancrub tur nyobaan
barang haram nyatana narkoba.
Lain halna ceuk dedengkot paguron
silat Kecamatan Pléréd, Abah Piat Supriatna, inyana bungah amarwatasuta yén
Pepen Kusnadi nu resep tur mikacinta kana seni silat, komo ieu nepika boga
program nu keur dihangeutkeun téh, Abah mah ngadukung 100 persen. Malahan
pencak silat téh sangkan tong nepika pareumeun obor.
“Tah, di PPSI PAC Pléréd, boga
maksud nu hadé, tangtu tiasa jadi pangupah jiwa keur para paguronna.” Pokna Aba
Piat.
Sedengkeun ceuk Ariansyah,
ngahaturkeun rewu-rewu nuhun ku sanggeman ti Pa Pepen Kusnadi nu ayeuna janten
pupuhu PPSI PAC Kecamatan Pléréd hasil musawarah para paguron. Kajaba programna
ogé keur ngawanohkeun ibing silat palérédan, gawé bareng jeung para paguron nu
aya di Kecamatan Pléréd.
Basa kamari dina raraga
ngareuah-reuah kamerdikaan RI ka-74 taun, Alhamdulillah, Ibing Penca Silat
Palérédan tiasa dipintonkeun. Sok sanajan persiapannana ngan ukur sabulan dina
nyieun jurus nu diadumaniskeun jeung ibing, tangtu karancagéan salapan paguron
lalatihan keur nyiptakeun ibing palérédan téa. Ieu kabungah sim kuring salaku
pelatih nu biasa ngalatih ka para siswa, ayeuna mibanda wanda anyar ibing silat
palérédan. Malahan ciri ibing silat palérédan téh, tina tepak opat, kalimana
goong.
Ku karancagéan pintonan ibing
silat palérédan éta téh, teu leupas tina hasil gawé bareng antara salapan paguron
silat di Pléréd tur pihak sakola dina hal ieu mah para siswa SMAN 1 Pléréd nu
mitembeyan ngiring aub sarta janten pamilon kana program PPSI PAC Kecamatan
Pléréd.
Sedegkeun nurutkeun data nu dikumpulkeun ku Galura, yén pangurus
PPSI PAC Kecamatan Pléréd téh ngawengku diantarana Pelindung : Asep Sendjaja, S.IP, Penasihat : Abah Piat Supriatna jeung Deden, Ketua : Pepen Kusnadi, Wakil
Ketua : Bah Kida, Sekretaris I :
Aang Sekretaris II : Ariasnyah, Bendahara : Bah Pijey jeung Dani, Humas : Dedi, Bargo jeung Ujang, Prasarana : Bah Ikin, Seksi Préstasi : Edi sarta Seksi Beladiri : Ano jeung Dudu.
Salapan paguron éta ogé diantarana : Paguron Dangiang Putra Karuhun : Bah Piat Supriatna, paguron Satria Muda
Pamoyanan : Dedi, Macan Putih : Bah Ikin, Kancil Mas : Ujang, Buka Wargi : Edi,
Tali Wargi : Bah Kida, Putra Macan Putih : Bargo sarta paguron Lodaya Hitam :
Bah Pijey.***
Keterangan
Poto : Ibing Penca Silat Palérédan mitembeyan
minton dina raraga kamerdikaan RI ka-74*
