BELASUNGKAWA : Drs. Dudi Mahmudin Iskandar (Wartawan Senior)
Inna lillahi
wa inna ilaihi roji’un.
Wilujeng
angkat, Dud.....
Wilujeng kubra
di kalanggengan.
Mugia husnul
khatimah,
Caang padang
narawangan.
T
|
aun 90-an, ngaranna melencing jadi salah sahiji penulis
ngora nu handal. Opinina sumebar di sawatara média nu medal di Bandung
jeung Jakarta katut média daérah séjénna. Munasabah, mun Surya
Paloh, alam harita kapincut ku kamampuhan ieu lulusan FISIP HI Unpad.
Satuluyna, alam harita Surya Paloh nugaskeun jadi Redaktur di Harian
Prioritas, Jakarta.
Teu lila
dialihtugaskeun jadi Redaktur di Galamedia (méméh Galamedia ngagabung jeung
PR). Abong jalma cerdas, kabiruyungan jadi PNS di lingkungan Pemprov
Jabar, tugas di lingkungan Setwan DPRD Jabar. Tugasna di
Perundang-undangan bari jadi Konseptor Pimpinan Dewan. Tugasna ge
dialihkeun jadi Kasubag Publikasi. Bawirasa lalakon jalma keuna ku
dinamika, ieu nonoman nu lahir di Kuningan, tugasna dialihkeun ka
Bakorwil Bogor. Dua taun mulang deui ka lingkumgan Pemprov Jabar.
Éta nonoman téh, wastana
Dudi Mahmudin Iskandar, nu geus aya tilu taunna katarajang kasakit nu
pamustungan, kasakitna téh nya éta stroké. Ieu Bapa tilu budak téh
tepika hanteuna. Innalillahi wainna ilaihi rojiun. ****
