KANDAGA BUDAYA SUNDA, BANDA KARUHUN : Pabukon Wawacan Purnama Alam Karuhun Sumedang Asli Tulisan Arab Wegon
Pabukon
Wawacan Purnama Alam
Karuhun
Sumedang
Asli
Tulisan Arab Wegon
Warta
Sunda Onliné,
|
K
|
ersaning
Nu Kawasa dina poéan Juma’ah, ping 26 Juli 2019 ieu, sim kuring salaku panulis
aya kreteg haté hayang ngulampréng ka hiji lembur singkur lebah tutugan Gunung
Burangrang nu maksudna éstuning wé saukur nepungan saduduluran ka nu jadi
sobat. Teuing kumaha mimitina ujug-ujug disuguhan tur disodorkeun pabukon
heubeul (kuno) nu kapaluruh cukcrukanana asalna ti Buahdua Sumedang. Éstuning bisa
nyaksenan tulisan nu kacatét ngeunaan karuhun Sumedang nu diantawisna aya
pabukon Wawacan Purnama Alam nu ditulis dina wujud bahasa Arab Wegon kalayan
titimangsana taun 1933. Lian ti éta ogé, pabukon ngeunaan jangjawokan atawa
mantra Sunda nu geus adu manis jeung kalimah-kalimah Islam. 
Diantawis
pabukon Wawacan Purnama Alam éta téh nu dianggona wujud pupuh atawa dangding
pupuh. Dina hal ieu mah nu kaunggel tina saban-saban bab. Ngeunaan isina mah sagemblengna
ieu pabukon ayeuna keur digarap kénéh (ditranslite) ku dulur sim kuring, hiji
nonoman tengah tuwuh nu identitasna masih kénéh disamarkeun/disumputkeun kénéh
nepika ayeuna.
Malah
mandar numutkeun pangakuanana ieu pabukon téh sadayana aya kana 20 pabukon tur
kakarak ka panulis ditémbongkeunana. Duka alesanana naon!!!.
Ari
nu matak hémengna mah panulis dipasihan widi pikeun ngagulanggaper mukaan
pabukon heubeul.
Éta pangalaman
nu luar biasa keur sim kuring. Asa diaku jadi urang Sundana téh!!! Cag.
