KANDAGA BUDAYA SUNDA - BABAD CIANJUR
BABAD CIANJUR
Ku : Luki Muharram
W
|
alanda atawa Belanda mimiti ngajajah ka Cianjur jamanna kapamarèntahan
Bupati Cianjur Rd. Aria Wiratanu 2 / Rd. Wiramanggala (1691-1707). Ku hal èta, mimitina
kolonialis campur tangan dina urusan dipamarèntahan jeung ka masarakat, tarekah
jeung patèahna salahsahijina ku ayana program kristenisasi. Geningan, penjajah
Belanda tèh "apal pisan" yèn di Cianjur loba ulama-ulama sakti, salahsahijina
Dalem Aria Kidul / Rd. Natadimanggala bin Dalem Cikundul, tèh minangka
adi teges Rd. Wiramanggala.
Pihak penjajah nepika ngadongapkeun saurang missionaris
sakti keur adu jajaten jeung Aria Kidul. Pendeta Belanda nu diutus ti nagarana
tèh teu disebutkeun ngaranna malahan nepika nangtang terang-terangan ka Dalem
Aria Kidul
Dina nangtang èta tèh carana kudu ngaragrakeun buah kalapa
ku tenaga dalam. Si Pendeta ngamimitian aksina nya ku makè tanaga dalam bisa
muragkeun buah kalapa tina tangkalna.
Sedengkeun Rd. Natadimanggala munajat ka Alloh Swt sangkan
bisa ngelehkeun si pendeta. Alhamdulillah, Alloh SWT ngaijabahan yèn buah kalapa
tèh dipuragkeun ku Aria Kidul. Ngan teu samet kitu waè Aria Kidul marèntah ka
sang pendeta keur mesek kalapa nu dipuragkeun tèa ku Aria Kidul. Unikna, sanggeus
dipesek tèh dijero buah kalapa tèh aya lauk nu masih hirup. Ari si Pendeta olohok
nepika ngaku yèn Dalem Aria Kidul tèh memang sakti mandraguna. Dalem Aria
Kidul. (pusara Dalem Aria Kidul / Rd. Natadimanggala aya di Kampung Babakan
Jati Dèsa Rahong, Kecamatan Cilaku Kabupatèn Cianjur. teu jauh ti parapatan
Jebrod).***
0 Response to "KANDAGA BUDAYA SUNDA - BABAD CIANJUR"
Posting Komentar