KANDAGA BUDAYA SUNDA :Festival Bambu Purwakarta Ajang Event Narik Pangirutan 4 Juta Wisatawan
Festival Bambu Purwakarta
Ajang Event Narik Pangirutan
4 Juta Wisatawan
S
|
IGANA
loba jalma nu tacan nyaraho yén ping 18 Séptémber geus ditetepkeun ku
Organisasi Awi Sa-dunya (World Bamboo Organization WBO) minangka poé awi
sadunya. Udaganna mah pikeun ngaronjatkeun kasadaran masarakat kana
pentingna mangpaat awi keur kahirupan.
Disagédéngeun miboga niléy ekologis, awi ogé miboga niléy ékonomi nu kacida gedéna.
Ku kituna Kabupatén Purwakarta ngangkat potensi daérah sarta kaarifan lokal nu miang tina awi, tapi dina kemasan
nu luyu jeung éra milenia.
Dina Pariwisata nyieun tarékah ngamumulé awi (seni) bari ogé boga udagan ngaronjatkeun
dunya pariwisata. Tanggal 28 April 2019 di Kabupatén Purwakarta digelar
Festival Bambu lumangung di Taman Pasanggrahan Padjadjaran.
Nurutkeun Kepala Bidang Pariwisata dan Kebudayaan, Heri Anwar, SH, MM ka Warta
Sunda Onliné dirohangan gawéna ngajelaskeun yén
Purwakarta sacara
geografis aya di tatar Pasundan, geus ti bareto masarakat Sunda ngolah awi keur
keperluan sapopoé, ti mimiti parabot dapur, paakas, furnitur, bahan konstruksi wangunan alat musik
nepi ka produk kerajinan.
“Ku ayana Festival Bambu ieu dipiharep ajé awi nguniang masarakat leuwih
mihormat kana awi, mu mihormat ka alamna,” ceuk Heri.
Kepala Seksi Promosi dan Pengembangan Produk Wisata, Acep Yulimulya
nambahkeun, "Sanisara kagiatan dina Festival Bambu ieu téh diantarana pameran produk karajinan awi,
kaulinan budak lembur, Musik Kreatif Bambu ti Siswa-siswi SMK 2 Purwakarta sarta
SDN di kota mintoneun (Angklung Kiatandang),” pokna.
Festival Bambu diramekeun ku penampilan Sambasunda, D’Calung, Selaawi
Ethnic, Saung Seni Ki Purwa jeung Gamelan Ajén.
“Simkuring miharep Festival Bambu ieu jadi lokomotif ngaronjatkeun opat juta wisatawan ka Purwakarta,” ceuk Acep.
Acara dibuka langsung ku Sekda Kabupatén Purwakarta, H. Iyus Permana,
ngarasa reueus ku ayana kagiatan nu saperti kitu téh, malihan kapayuna ieu
kedah diteraskeun deui.
Anapon kitu Kepala Dinas Kepemudaan, Olahraga, Pariwisata dan
Budaya Kabupatén Purwakarta, H. Agus Hasan, kagiatan Festival Bambu ieu téh nargetkeun
4 juta wisatawan luyu sareng harepan Bupati Purwakarta (Anne Ratna Mustika). “Samalah,
taun 2018 mah jumlah pangunjung tos kahontal kana 2.500 urang. ngan seuseurna
pengunjung téh destinasi wisata,” pokna.
Dina pintonan Festival Bambu éta, wawakil ti siswa Jidan kelas 6 SDN 1
Sukatani nu diaping ku Doni (guru), ngarasa bungah nongton festival éta,
samalah leuwih apal yén awi téh bisa jadi alat musik, komo nepika dimaénkeun
sagala,” pokna
Lain hal na saur H. Hamdan warga atikan nu keur ngahaja luha-loho ka stan
pameran Festival Bambu 2019, dirina kataji ku kamonésan karajinan ti urang
Bandung dina ngolah bahan awi dijantenkeun karajinan anu arunik, saperti halna
aya sapedah nu bahanna tina awi (kaulinan urang lembur), jeung réa-réa deui. “Samalah,
pameran ieu téh diwanohkeun ka para nonoman jalam milenia, pikeun leuwih
mikacinta kana seni awi. Komo bari diayakeun workshop mah, ti mimiti barudak
sakola nepi ka para nonoman tiasa langkung kréatif ngolah bahan awi,” pokna.
Sedengkeun ceuk salahsaurang pengrajin nu muka stan, Aris Suwandi (D2A
Creative) Bamboo & Wood Craft, dirina dipasihan kasempetan milu aub dina
pameran kaleresan musa stan di Purwakarta. Padahal kakaran tilu bulan salaku
pangrajin awi. “Keur dirina mah, ieu kasempetan pikeun ngulik ngolah bahan tina
awi saperti hasil karyana témbong dina poto. Kreasina téh saniskara kaperluan
sapopoé. Saperti wadah bako nu dikemas jiga bentuk patung mesir, padahal mun
ditelek-telek mah éta wadah bako ngawengku wadah jeung asbana ngahiji dikemas,”
pokna.
Anto Sukanto.
0 Response to "KANDAGA BUDAYA SUNDA :Festival Bambu Purwakarta Ajang Event Narik Pangirutan 4 Juta Wisatawan"
Posting Komentar