WARTA ATIKAN TI PASAWAHAN : SDN Pasawahan Kidul Keur dipeunteun ku DPC PERSAGI Kabupatén

SDN Pasawahan Kidul

Keur dipeunteun

ku DPC PERSAGI Kabupatén

“Pikeun ngaantipasi angka STUNTING zona merah di Purwakarta, pihak DPC Persagi ngayakeun kagiatan Lomba Bekal Sehat dan Edukasi Gizi ka unggal sakola. Ngan sakola dilingkungan Ponpes can kageroh, alatan kakirangan waragad.”   

PASAWAHAN – Warta Sunda Onliné,

M

asih dina raraga Hari Gizi Nasional Ke-59 Tahun 2019 Dewan Pimpinan Cabang (DPC) Persatuan Ahli Gizi (Persagi) Kabupatén Purwakarta geus magelareun kagiatan di SDN Pasawahan Kidul, Kacamatan Pasawahan Kabupatén Purwakarta, Poé Salasa (11 Maret 2019). Samalah, salahsahiji program kagiatanna ngeunaan Lomba Bekal Sehat dan Edukasi Gizi nu jéjérna nitenan peserta didik dina mawa bekel ka sakola nu bergizi.

   Dina hal ieu mah, 10 (sapuluh) urang tim Persagi turun langsung pikeun nyaksenan sakola nu ditunjuk salaku Sekolah Sehat nu dibarengan Perwakilan Tim PKK Kabupatén Purwakarta.

Dina uar pangajak Ketua DPC Persagi Kabupatén Purwakarta, Ahmad Yani, S.Gz., M.KM., RD. Ka Warta Sunda Onliné (WSO) ngabejerbéaskeun tujuanna. Pikeun ngaantisipasi Tumbuh kembang anak dan Penanggulangan STUNTING (gagal tumbuh) nyaéta asupan makanan gizi yang tidak sehat. “Keur mah di Kabupatén Purwakarta, angka stunting nunjukeun kirang langkung kana 7 pérsén nu rata umur budak antara 2 taun nepi ka 5 taunna. Ku kituna, ieu salah sahijina tarékah jeung patéah Persagi dina mantau langsung ka perwakilan sakola di Kabupatén Purwakarta, salah sahijina di SDN Pasawahan Kidul,” pokna Ahmad Yani.

Kajaba ti ngayakeun pencerahan ka para peserta didik ogé, masihan kaélmuan ka guru-guru di SDN Pasawahan Kidul, dina pentingna merhatikeun kadaharan anu bergizi tur sehat. Pon kitu deui, pihakna gawé bareng jeung perwakilan Tim PKK ngayakeun Lomba Bekal Sehat dan Edukasi Gizi.

Pihakna mairan pamilon peserta didik nu dibarengan ku orangtuana sewang-sewangan, dimana dina mawa bekel ka sakolana téh, dipairan tur dipeunteun mana-mana waé pamilon nu mawa bekel anu bergizi tur sehat.

Lian ti éta, para peserta didik SDN Pasawahan Kidul diwanohkeun kadaharan anu sehat tur bergizi nu dipandu langsung ku Tim Persagi. “Malah mandar barudakna ogé dipasihan bolpoint minangka uar pangajak Persagi ka barudak ti kelas hiji nepi ka kelas genep, dina raraga keur ngamotivasian barudak neda katuangan anu sehat tur bergizi,” pokna Ketua Persagi.

Ahmad Yani, nambahkeun yén pihakna bisa ngayakeun kagiatan nu saperti kitu téh, inyana saparakanca iuran pikeun nyukseskeun kagiatan ngungkulan angka stunting di Purwakarta, anapon kitu dibantu ku pihak Rumah Sakit, klinik jeung institusi pendidikan nu aya pakuat-pakait kana ahli gizi.

Lain deui nu kasauran Guru UKS SDN Pasawahan Kidul, Fitria Maélani, S.Pd, yén kagiatan nu saperti kitu téh, inyana kantos dibekelan ku pihak provinsi sawatara waktu katukang ngalewatan Balai Kesehatan Olahan Masyarakat (BKOM) di Bandung dina workshop salila dua poé.

“Geus tangtu kaélmuan ti BKOM téh diaplikasikeun ka peserta didik nu diabntus ku guru-guru kelasna katut guru olahraga. Samalah inyana dibekelan kaélmuan atawa matéri diantarana ngeunaan kebugaran jasmani, gerakan masyarakat hirup sehat (germas) pon kitu deui ngeunaan kadaharan anu sehat tur bergizi,” pokna.

Disagedengeun éta, para peserta didik tiap jam istirahat jam 10-an salila 10 menit sok ngayakeun peregangan ku cara tétémbangan saperti contona “Aku Anak Sehat” bari jeung sakabéh awak digerakeun kalayan tetembangan. Para peserta didik ieu téh dipandu ku guru kelasna masing-masing, pon kitu deui guru olahragana sami mawon ngadumaniskeun ngayakeun peregangan tubuh.” Kitu ceuk Fitria ka WSO.

Dina kasempetan éta ogé Kepala SDN Pasawahan Kidul Kecamatan Pasawahan, Ai Jubaédah, S.Pd, inyana ngabenerkeun ungkara-ungkara diluhur. Samalah lian ti ayana kagiatan ku pihak Tim Persagi ieu téh, yén sakolana kantos kenging kapinujulan dina lomba sekolah Sehat juara ka-II di Tingkat Kabupatén Purwakarta. “Janten, sakolana ayan dongdonan ti pihak Tim Persagi jeung Tim PKK Kabupatén Purwakarta, kalintang reueusna. Lantaran sakola nu dipingpin ti taun 2017 téh, ayana perhatian anu serius ku pihak terkait, kalebet ayana Lomba Bekal Sehat dan Edukasi Gizi ieu”.

Inyana saparakanca katut orang tua siswa geus biasa dina pembiasaan barudak dina mawa bekel anu sehat, ngan ari dititén langsung ku ahlina mah, dina peupeujeuh ka pihak sakola tur orang tua siswana téh, tong jor-joran dina ngasumsi makanan siap saji anu dikemas ku pihak pabrik diantarana mie, nuget, sosis jeung minuman-minuman kaléng tur minuman kemasan sachet.

Dina lolongkrang waktu Warta Sunda Onliné, ngawawancaraan dua urang perwakilan orang tua siswa, nyaéta Désiana nu dabrengan ku Siti A (mamahna) Siswa Kelas 5-A nalika budakna mawa belek tur dilombakeun dina kagiatan ieu téh, ngarasa reueus jadi leuwih apal dina menyajikan makanan anu sehat tur bergizi, malahan tong masihan bekel katuangeun kemasan pabrik saperti mie, nuget jeung nu lainna. Pon kitu deui Siswa Kelas I-A Sakinah Bérlian (Mamahna Dian Amélia) keur nyajikeun katuangeun anu sehat.

Nurutkeun data nu dikumpulkeun ku WSO, yén jumlah siswa SDN Pasawahan Kidul aya kana 429 urang katut 24 urang guru dipasihan kaélmuan ku pihak DPC Persagi Kabupatén Purwakarta ngeunaan Tumbuh kembang anak dan Penanggulangan STUNTING (gagal tumbuh) nyaéta asupan makanan gizi yang tidak sehat nu dibantos ku tilu urang tim nu meunteun diantarana dua urang Perwakilan Tim PKK Kabupatén Purwakarta Ibu. Émalia (Ibu Sekdis Pendidikan), Yéni Rizal sarta Tim Persagi Kokom, Kumalasari, AMG.*** Anto Sukanto   

  

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: