WARTA ATIKAN KEPANDUAN TI SUKASARI : KWARRAN SUKASARI MAGELARKEUN SCOUTING SKILL TRAINING di Tanjung Panorama

KWARRAN SUKASARI

MAGELARKEUN SCOUTING SKILL TRAINING

di Tanjung Panorama

SUKASARI – Warta Sunda Onliné,

2

3 Urang pamilon SCOUTING SKILL TRAINING di Sukasari luyu sareng jadwal ti Pusdiklatcab Sukasari (Saptu, 23 Maret 2019), dipuseurkeun di Destinasi Wisata Tanjung Panorama Sukasari, Kecamatan Sukasari, Kabupatén Purwakarta, Jawa Barat, Indonésia.  Di wewengkon ieu mah, para pelatih diwanohkeun kana éndahna alam sabudeureun Sukasari, ti mimiti leuweung, hamparan waduk Ir. H. Juanda nu katémbong ti kajauhan tur lengkobna tutuwuhan kalebet Gedang Calipornia nu bisa dituang di éta wewengkon, kalayan ngala nyalira. Saperti halna Wartawan Warta Sunda Onliné nu aprak-aprakan nitenan kaayaan éta wewengkon.

     Keur mah Kepala Pusiklatcab (Ka. Tri. ) nu direncangan sareng Ka. Sukiman, Ka. Anis sarta Ka. Uwan aprak-aprakan ningali kaéndahan alam Tanjung Panorama Sukasari. 

 Nitenan tangkal Gedang Calipornia nu buahna ting gulantung, matak hayang ngala. "Nya, Ka. Sukiman nu harita metik teu diengkekeun deui, beset gedang Calipornia dibeulah tur dibagi luyu sareng porsina. Geunig, Ka. Sukiman salaku Kepala SMPN 1 Sukatani nalika keur dilapangan mah teu nyirikeun yén diri kepala sekolah, komo ieu bari ngasongkeun bagian beulahan gedang ka wartawan." 
Sapapanjang jalan ngajugjug ka tempat lokasi SCOUTING SKILL TRAINING di lobi, gedang meunang metik téh aya kana 5 siki. "Sabenerna mah, Ka. Sukiman ragu, maénya bisa murak gedang dilokasi. komo ieu jauh jeung nu bogana." Tapi basa, sim kuring nirukeun omongan Abah Didi nu ngokolakeun éta tempat, yén gedang di éta wewengkon gedangna meunang diala tur didahar, asal dipurak dilokasi atawa di tempat wisata. Tapi mun badé nyandak ka bumi mah tiasa ngilo luyu jeung kahayang ti pembeli, samalah per kilona ngan ukur Rp. 8.000,-

"Aéh, ngadon ngabahas gedang calipfornia, atuh da matak kabita ningali gedang-gedang ting gurayot unggal tangkal, kajaba karonéng, rék teu kabita kumaha," pokna Ka. Sukiman.

Sedengkeun ceuk Ketua Panitia SCOUTING SKILL TRAINING Kabupatén Purwakarta, Hedi Hidayat, S.Pd, acara nu saperti kitu téh ngarupakeun kagiatan kepanduan dina raraga ngalatih jeung ngamekarkeun keterampilan Pembina Pramuka utamana dina widang keterampilan tehnik kepramukaan sangkan mampu ngokolakeun kagiatan gudep nu nu bener-bener luyu jeung kawijakan Gerakan Pramuka Daérah (Kwarda). Gudep-gudep nu aya diwewengkon daérahna sewang-sewangan pikeun dibekelan kaélmuan kepramukaan.

Dina kasempetan éta ogé, Ketua Pelaksana Lokal Scouting Skill Training Kwarran Ayi Kusmana, S.Ag, dina biantarana ngeceskeun yén jumlah pamilon nu milu aub téh aya kana 23 urang nu ngawengku pamilon di Tingkat SD/MI katut SMP/MTs. Kajaba éta, tempat keur magelarkeun kagiatan Scouting Skill Training di Destinasi Wisata Tanjung Panorama Sukasari, Kabupatén Purwakarta, Jawa Barat Indonésia, minangka ngawanohkeun tempat wisata ka para pelatih.

Sedengkeun ceuk Ketua Kwarran Sukasari, Jajang Jumyati, S.Pd kagiatan Scouting Skill Training nu diayakeun ku pihak Pusdiklatcab Kabupatén Purwakarta, ngarasa bingah amarwatasuta. “Ditingali sumangetna para pamilon, kalintang saéna, mugia élmu nu ditampi ku para pamilon tiasa langkung dimekarkeun deui di unggal gudep,” pokna Ka Kwarran dina wangkongan jeung WSO saatosna pembukaan acara Scouting Skill Training.

Dina kasempetan éta ogé, pihak Pusdiklatcab ngabejerbéaskeun kagiatan nu saperti kitu. Malah  tujuan Scouting Skill Training téh, nyaéta pendidikan jeung pelatihan praktis pikeun para pembina pramuka. Ku kituna para pembina pramukana tiasa leuwih mikacinta, ngamekarkeun jeung ngaronjatkeun élmu pangaweruh katerampilan para pembina pramuka nu aya di gudepna sewang-sewangan kalayan sacara konsepsional tur operasional.

Sedengkeun sasaran nu jati utama na pihak panatacalagara téh, para pamilon tiasa ngarti jeung faham tur mampu nerapkeun metodé latihan nu effektif jeung effesien dina widang keparamukaan.

Lian ti éta, dipiharep para pamilon tiasa ngamangpaatkeun sumber daya nu aya dilingkungan keur kapentingan ngalola latihan. Kajaba kitu, tiasa leuwih tanggung jawab nu leuwih hadé luyu sareng tugas jeung kawajiban salaku pembina. 

Ceuk Ketua Pusdiklatcab, Ka Tri Kurniati, S.Pd, inyana miharep acara nu saperti kitu téh pikeun pembekalan para pembina dina hirup kumbuh dialam terbuka, bisa ngaaplikasikeun ka peserta didik dina kahirupan sapopoé. Komo kasebutna urang survival mah teu aya istilah kalaparan, nyasab ileuweung. Tapi ku ayana kaélmuan ti pusdiklatcab janten bekel," pokna Ka Tri.

Dina kasempetan éta ogé, pihak redaksi ngawawancaraan dua urang poerwakilan pamilon Putra Odang Guru SDN 2 Cirip jeung Engkos Kosasih Guru SDN 3 Sukasari duanana ngarasa reueus, yén dina kagiatan éta téh, narima élmu langsung ti kaka-kaka pelatih nu sakitu gedé ajénna dina élmu kepramukaan hususna matéri Survival, Navigasi Darat jeung PP.
Ku hal saperti kitu mah, nambah pengetahuan langsung di ieu kagiatan, utamana keur ngaaplikasikeun di gugus depanna ka para peserta didik.

Dihandap ieu pihak Kwarran masihan katerangan nu langkung eces ngeunaan kagiata Scouting Skill Training Sukasari diantarana :

Penanggung Jawab : Ketua Kwarran Sukasari; Ketua : Ayi Kusmana ( Guru SDN 1 Parungbanteng); Sekretaris : Mokhamad Aripin ( Guru SMPN Satap Parbanda); Bendahara : Maryani ( KS SD-SMPN Satap 2 Kutamanah); Ban Um : Ketua dan Anggota DKR Kwarran Sukasari.

     Ieu hasil kasapukan para pamilon ti MABIGUS SD waktu rapat kepala seolah poé Rebo ping 13 Maret 2019 di Kantor UPTD, esuina ngabahas ngeunaan para pamilon nu milu aub diantarana : 1. Engkos Kosasih, S.Pd guru SDN3 SUKASARI; 2. Rina Gantini, S.Pd guru SDN 3 Sukasari; 3. Yanah, S.Pd guru SDN Kertamanah; 4. Alan Maulana S.Pd guru SDN Kertamanah; 5. Nenden Sridamayanti, S.Pd guru SDN 2 Sukasari; 6. Odang Suhendar, S.Pd guru SDN 2 Ciririp; 7. Syarifah, S.Pd guru SDN 2 Ciririp; 8. Selvia Sopiyanti guru SDN 1 Kutamanah; 9. Rika Irmawati, S.Pd guru SDN 1 Sukasari; 10. Tata Karwita, S.Pd guru SDN 1 Sukasari; 11. Adeng Sopyan, S.Pd guru SDN 2 Sukasari. 12. Unandar, S.Pd guru SDN 1 Parungbanténg; 13. Nurma Aryati guru SMPN Satap 1 Parungbanténg; 14. Supriatna, S.Pd guru SDN 1 Ciririp; 15. Siti Rohmah, S.Pd guru SDN 1 Ciririp; 16. Ahmad Satibi, S.Pd.I guru SMPN 2 Sukasari; 17. Hani Hasanah, S.Pd guru SMPN 2 Sukasari; 18. Neneng Nurahayu, S.Pd guru  SMPN 1 Sukasari; 19. Eman Sulaeman, S. Pd guru  SMPN 1 Sukasari; 20. Ceng Sani, S.Pd.i guru MTs Nurul qolbi; 21. Mokhamad Aripin,S.Pd.I,M.Pd guru SMPN Satap 2 Parungbanténg; 22. Lindawati, S.Pd guru SMPN Satap 2 Parungbanténg; 23.Dulatip, S.Pd guru SDN 2 Parungbanténg.

     "Mugia para pamilon janten ngamotivasi dina ngaaplikasikeu di gudepna sewang-sewangan.*** Anto S.

                                           

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: