Surat terbuka kangge kang Ridwan Kamil
Surat terbuka kangge kang Ridwan Kamil
Kahatur kanggo kang Emil (Ridwan Kamil), gupernur Jawa Barat nu
ku sim kuring dipihurmat.
Kang Emil,
Nguping akang bade ngadamel taman Dilan, saharita sim kuring ngangres kacida. Sanes kunanaon, teu kusabab simkuring ngaraos asa pahiri hiri ka Dilan, tokoh rekaan jieunan mang Pidi Baiq, nanaonan kang, supados naon? Supados nonoman jabar niron paripolahna Dilan?
Nguping akang bade ngadamel taman Dilan, saharita sim kuring ngangres kacida. Sanes kunanaon, teu kusabab simkuring ngaraos asa pahiri hiri ka Dilan, tokoh rekaan jieunan mang Pidi Baiq, nanaonan kang, supados naon? Supados nonoman jabar niron paripolahna Dilan?
Kang Emil,
Tangtos akang uninga, ka sababaraha tokoh ti Jawa Barat anu kawentar tur lebet kana kategori "legendaris", malihan tiasa disebat: legenda hidup. Diantawisna aya: alm. ki dalang Asep Sunandar Sunarya, alm. Kang Ibing (Rd. Kusmayatna), alm. Kang Darso (Hendarso).
Pami kenging usul, langkung sae salahsawios aranjeunna nu didamelkeun janten nami taman, tinimbang Dilan.
Tangtos akang uninga, ka sababaraha tokoh ti Jawa Barat anu kawentar tur lebet kana kategori "legendaris", malihan tiasa disebat: legenda hidup. Diantawisna aya: alm. ki dalang Asep Sunandar Sunarya, alm. Kang Ibing (Rd. Kusmayatna), alm. Kang Darso (Hendarso).
Pami kenging usul, langkung sae salahsawios aranjeunna nu didamelkeun janten nami taman, tinimbang Dilan.
Kang Emil,
Simkuring kirang patos uninga, tinimbangan naon nu nyababkeun akang toh-tohan pisan kana tokoh Dilan, dugika namina dijantenkeun nami taman, tur dugika aya 'hari Dilan' sagala.
Kang Emil, cobi sami-sami urang bayangkeun:
pami tuang putra, Emmeril, niron paripolah Dilan: ngador momotoran, lebet anggota geng motor, tos ngalaman bobogohan dina yuswa SMA keneh, akang ngawidian??
Kang Emil, cobi taroskeun ka tuang ibu -nu akang sok nyebat Maci ka anjeunna-, pami akang waktos anom niron paripolah Dilan, kintenna diwagel tur diseuseulan ku tuang ibu??
Simkuring kirang patos uninga, tinimbangan naon nu nyababkeun akang toh-tohan pisan kana tokoh Dilan, dugika namina dijantenkeun nami taman, tur dugika aya 'hari Dilan' sagala.
Kang Emil, cobi sami-sami urang bayangkeun:
pami tuang putra, Emmeril, niron paripolah Dilan: ngador momotoran, lebet anggota geng motor, tos ngalaman bobogohan dina yuswa SMA keneh, akang ngawidian??
Kang Emil, cobi taroskeun ka tuang ibu -nu akang sok nyebat Maci ka anjeunna-, pami akang waktos anom niron paripolah Dilan, kintenna diwagel tur diseuseulan ku tuang ibu??
Kang Emil, atuhlah kang.
Mugi tiasa langkung dipertimbangkeun deui nu langkung paos, keur kamajengan sadayana, panerus rundayan nonoman Jabar kapayun, nu kintenna: Nyantri, Nyunda, Nyakola.
Atanapi akang hoyong panerus rundayan nonoman Jabar kapayun janten generasi Dilan?
Atanapi bilih akang kirang panuju ku usulan nampilkeun tokoh jabar nu kasebat diluhur, simkuring langkung merenah keneh namina taman Emil, tinimbang taman Dilan.
Mugi tiasa langkung dipertimbangkeun deui nu langkung paos, keur kamajengan sadayana, panerus rundayan nonoman Jabar kapayun, nu kintenna: Nyantri, Nyunda, Nyakola.
Atanapi akang hoyong panerus rundayan nonoman Jabar kapayun janten generasi Dilan?
Atanapi bilih akang kirang panuju ku usulan nampilkeun tokoh jabar nu kasebat diluhur, simkuring langkung merenah keneh namina taman Emil, tinimbang taman Dilan.
Kang Emil, ieu seratan mugi dugi ka akang, didasaran ku rasa
nyaah tur deudeuh ka akang nu kiwari nuju manggung janten pamingpin Jabar, nu
tiap rengkak tur paripolahna kedah janten tungtunan kangge sadayana.
Hapunten anu kasuhun,
Caang bulan opat welas, jalan gede sasapuan.
Lugina hate, lugina pikir.
Bagja salalawasna.
Caang bulan opat welas, jalan gede sasapuan.
Lugina hate, lugina pikir.
Bagja salalawasna.
Simkuring, Gilly Prayoga W.
- Urang Jatiwangi, nu ngumbara ka kota Bandung-
#gprayoga
0 Response to "Surat terbuka kangge kang Ridwan Kamil"
Posting Komentar