KEPANDUAN : KWARRAN PLÉRÉD MAGELARKEUN SCOUTING SKILL TRAINING di MTs Negeri 2 Purwakarta

KWARRAN PLÉRÉD

MAGELARKEUN SCOUTING SKILL TRAINING
di MTs Negeri 2 Purwakarta

PLÉRÉD – Warta Sunda Onliné,

ULUHAN pamilon SCOUTING SKILL TRAINING di Plered luyu sareng jadwal ti Pusdiklatcab Pléréd (Ahad, 10 Maret 2019), dipuseurkeun di MTs Negeri 2 Purwakarta Pléréd, Kecamatan Pléréd, Kabupatén Purwakarta, Jawa Barat, Indonésia. ngarupakeun kagiatan kepanduan dina raraga ngalatih jeung ngamekarkeun keterampilan Pembina Pramuka utamana dina widang keterampilan tehnik kepramukaan sangkan mampu ngokolakeun kagiatan gudep nu nu bener-bener luyu jeung kawijakan Gerakan Pramuka Daérah (Kwarda). Gudep-gudep nu aya diwewengkon daérahna sewang-sewangan pikeun dibekelan kaélmuan kepramukaan.

Dina kasempetan éta ogé, Ketua Pelaksana Lokal Scouting Skill Training Kwarran Pléréd, Yéti Héryéti, S.Pd, dina biantarana ngeceskeun yén jumlah pamilon nu milu aub téh aya kana 65 urang nu ngawengku pamilon di Tingkat SD, SMP/MTs, SMA/SMK. Kajaba éta, tempat keur magelarkeun kagiatan Scouting Skill Training di MTs Negeri 2 Purwakarta Pléréd di Gang Sindangaso, RT.06/RW.01, Désa Cibogohilir, Kecamatan Pléréd, Kabupatén Purwakarta, Jawa Barat Indonésia, poé Ahad 10/3.
Ketua Paniti ngahaturkeun rewu-rewu nuhun ka para pamilon. “Mungpung aya para pelatih pramuka nu sakitu gedé ajénna pikeun masihan élmu pangaweruh ngeunaan kepramukaan.”

“Urang kedah soson-soson narima wejangan ti para pelatih nu aya dina beungkeutan Pusat Pendidikan dan Latihan Cabang (Pusdiklatcab) Kabupatén Purwakarta,” kitu harepan Ketua Kwarran.

Disagedengeun éta, “saéna mah kagiatan ieu téh lumangsung tilu poé, ngarah langkung anteb. Tapi, kulantaran samporétna waktu, nya pihak Pusdiklatcab ngabagi-bagi waktu di unggal kecamatan.

Sedengkeun ceuk Ketua Kwarran Pléréd, Hedi Hidayat, S.Pd ogé salaku Ketua Pelaksana Scouting Skill Training Pusdiklatcab Kabupatén Purwakarta, ngabejerbéaskeun kagiatan nu saperti kitu ka Warta Sunda Onliné (WSO), poé Ahad (10/3) di MTs Negeri 2 Purwakarta Pléréd, Kecamatan Pléréd, Kabupatén Purwakarta, Jawa Barat, Indonésia.

Dina kasempetan éta ogé, pihak Pusdiklatcab ngabejerbéaskeun kagiatan nu saperti kitu. Malah tujuan Scouting Skill Training téh, nyaéta pendidikan jeung pelatihan praktis pikeun para pembina pramuka. Ku kituna para pembina pramukana tiasa leuwih mikacinta, ngamekarkeun jeung ngaronjatkeun élmu pangaweruh katerampilan para pembina pramuka nu aya di gudepna sewang-sewangan kalayan sacara konsepsional tur operasional.

Sedengkeun sasaran nu jati utama na pihak panatacalagara téh, para pamilon tiasa ngarti jeung faham tur mampu nerapkeun metodé latihan nu effektif jeung effesien dina widang keparamukaan.

Lian ti éta, dipiharep para pamilon tiasa ngamangpaatkeun sumber daya nu aya dilingkungan keur kapentingan ngalola latihan. Kajaba kitu, tiasa leuwih tanggung jawab nu leuwih hadé luyu sareng tugas jeung kawajiban salaku pembina.
Ceuk Ketua Pusdiklatcab, Ka Tri Kurniati, S.Pd, inyana miharep acara nu saperti kitu téh pikeun pembekalan para pembina dina hirup kumbuh dialam terbuka, bisa ngaaplikasikeun ka peserta didik dina kahirupan sapopoé. Komo kasebutna urang survival mah teu aya istilah kalaparan, nyasab ileuweung. Tapi ku ayana kaélmuan ti pusdiklatcab janten bekel," pokna Ka Tri.

Dina kasempetan éta ogé, pihak redaksi ngawawancaraan dua urang poerwakilan pamilon Putra Obay Guru SDN 1 Cibogogirang jeung Putri Hanna Siti Halimah Guru SDN 1 Citeko (sapertos témbong dina poto), duanana ngarasa reueus, yén dina kagiatan éta téh, narima élmu langsung ti kaka-kaka pelatih nu sakitu gedé ajénna dina élmu kepramukaan hususna matéri Survival, Navigasi Darat jeung PP.

Dina hal ieu mah, nambah pengetahuan langsung di ieu kagiatan, utamana keur ngaaplikasikeun di gugus depanna ka para peserta didik.***

REDAKTUR : Kiwarta

Sudah saatnya bangkit dari keterpurukan...