KEPANDUAN : KWARRAN MANIIS MAGELARKEUN SCOOTING SKILL TRAINING
KWARRAN MANIIS
MAGELARKEUN SCOUTING SKILL TRAINING
P
|
ULUHAN
pamilon SCOUTING SKILL TRAINING di Maniis luyu sareng jadwal ti Pusdiklatcab Maniis (Sabtu, 9 Maret 2019),
dipuseurkeun di SMPN 1 Maniis, Kecamatan Maniis, Kabupatén Purwakarta, Jawa Barat, Indonésia. ngarupakeun
kagiatan kepanduan dina raraga ngalatih jeung ngamekarkeun keterampilan Pembina
Pramuka utamana dina widang keterampilan tehnik kepramukaan sangkan mampu
ngokolakeun kagiatan gudep nu nu bener-bener luyu jeung kawijakan Gerakan
Pramuka Daérah (Kwarda). Gudep-gudep nu aya diwewengkon daérahna sewang-sewangan
pikeun dibekelan kaélmuan kepramukaan.
Dina kasempetan éta ogé, Ketua Pelaksana Lokal Scouting Skill
Training Kwarran Maniis, Éncéng, S.Pd, dina biantarana ngeceskeun yén jumlah
pamilon nu milu aub téh aya kana 52 urang nu ngawengku pamilon di Tingkat SD,
SMP, SMA/SMK. Kajaba éta, tempat keur magelarkeun kagiatan Scouting Skill
Training di SMPN 1 Maniis, nilik ti sarana prasarana nu memadai.
Sedengkeun ceuk Ketua Kwarran, Nana Supyana, S.Pd, MM, ngahaturkeun
rewu-rewu nuhun ka para pamilon. “Mungpung aya para pelatih pramuka nu sakitu
gedé ajénna pikeun masihan élmu pangaweruh ngeunaan kepramukaan.”
“Urang kedah soson-soson narima wejangan ti para pelatih nu
aya dina beungkeutan Pusat Pendidikan dan Latihan Cabang (Pusdiklatcab) Kabupatén
Purwakarta,” kitu harepan Ketua Kwarran.
Disagedengeun éta, “saéna
mah kagiatan ieu téh lumangsung tilu poé, ngarah langkung anteb. Tapi,
kulantaran samporétna waktu, nya pihak Pusdiklatcab ngabagi-bagi waktu di
unggal kecamatan, nepika Kwarran Maniis kagilir Sabtu, 9 Maret 2019.
Dina kasempetan éta ogé, pihak Pusdiklatcab ngabejerbéaskeun kagiatan nu saperti kitu. Malah
mandar tujuan Scouting Skill Training téh, nyaéta pendidikan jeung pelatihan
praktis pikeun para pembina pramuka. Ku kituna para pembina pramukana tiasa
leuwih mikacinta, ngamekarkeun jeung ngaronjatkeun élmu pangaweruh katerampilan
para pembina pramuka nu aya di gudepna sewang-sewangan kalayan sacara konsepsional
tur operasional.
Sedengkeun sasaran nu jati utama na pihak panatacalagara
téh, para pamilon tiasa ngarti jeung faham tur mampu nerapkeun metodé latihan
nu effektif jeung effesien dina widang keparamukaan.
Lian ti éta, dipiharep para pamilon tiasa ngamangpaatkeun
sumber daya nu aya dilingkungan keur kapentingan ngalola latihan. Kajaba kitu,
tiasa leuwih tanggung jawab nu leuwih hadé luyu sareng tugas jeung kawajiban
salaku pembina. Kitu ceuk Ketua Pelaksana Scouting Skill Training Pusdiklatcab
Kabupatén Purwakarta, Hedi Hidayat, S.Pd ngabejerbéaskeun kagiatan nu saperti
kitu ka Warta Sunda Onliné (WSO), poé Saptu
(9/3) di SMP Negeri 1 Maniis, Kecamatan Maniis, Kabupatén Purwakarta, Jawa
Barat, Indonésia.
Ceuk Ketua Pusdiklatcab, Ka Tri Kurniati, S.Pd, inyana miharep acara nu saperti kitu téh pikeun pembekalan para pembina dina hirup kumbuh dialam
terbuka, bisa ngaaplikasikeun ka peserta didik dina kahirupan sapopoé. Komo kasebutna urang survival
mah teu aya istilah kalaparan, nyasab ileuweung. Tapi ku ayana kaélmuan ti pusdiklatcab janten bekel," pokna Ka Tri.***
0 Response to "KEPANDUAN : KWARRAN MANIIS MAGELARKEUN SCOOTING SKILL TRAINING "
Posting Komentar