Ceuk Sumarni, S.Pd : Targetna Mah ngan Ukur Opat Qasidah, Bulu Tangkis, Bakiak jeung Pantomim

Ceuk Sumarni, S.Pd : Targetna Mah ngan Ukur Opat

Qasidah, Bulu Tangkis, Bakiak jeung Pantomim

"murid-murid SD Wanayasa téh hégar marahmay dibarung ku euyah-euyahan susurakan nyumangetan babaturanana nu keur makalangan"

Keterangan Poto:

Camat Kecamatan Wanayasa, Dedi Kusmayadi, M.Si masrahkeun Piala ka Ketua Panitia, Sumarni, S.Pd

“Ngukur kmampuhan murid loba cara. Diantarana sina miluan lomba, pasanggiri atawa pertandingan. Tah kagiatan kawas kitu téh, ilahar naker di sakola mah, saperti nu lumangsung di SD nu aya di Kacamatan Wanayasa Purwakarta.”

WANAYASA – Warta Sunda Onliné,

B

arudak SD Wanayasa Purwakarta, giat naker. Aratoheun miluan rupa-rupa kagiatan téh. Saperti harita, murid-murid SD téh hégar marahmay dibarung ku euyah-euyahan susurakan nyumangetan babaturanana nu keur makalangan.

Kagiatan kawas kitu, kaasup maneuh. Harita téh, barudak di éta kacamatan mariluan Olimpiade Olahraga Siswa Nasional (O2SN), Olimpiadé Sains Nasional (OSN), Olahraga Tradisional (OLTRAD), Festival dan Lomba Seni Siswa Nasional (FLS2N), Literasi sarta Sapta Lomba PAI  satatar Kacamatan Wanayasa.

Di Purwakarta, mémang barudak téh biasa mariluan sanisakara kagiatan. Kituna téh, da éta kagiatan maneuh saban taun. Ari kagiatan naratau dihandap heula. Barudak téh diabenkeun di tingkat kacamatan nu saterusna sina mariluan di tingkat nu leuwih luhur, kabupatén, provinsi eung nasional.

Siap adi Juara Umum Deui

Kagiatan kawas kitu loba mangpaatna. Barudak bisa ngukur kamampuh sorangan ku cara ngabandingeun jeung kamampuh babaturanana ti sakola séjén. Ari keur guru mah éta agiatan téh bisa jadi cara meunteun barudak, pangpangna mah dina sagala widang.

Saniskara kagiatan di Wanayasa, lumangsung ti tanggal 11 nepika 14 Fébruari 2019. Tempatna di Lapang Sepak Bola Désa Babakan, SD Negeri 1 jeung SD 2 Babakan katut Gor Babakan Kacamatan Wanayasa Kabupatén Purwakarta, Jawa Barat.

Barudak téh sarumanget naker. Atuda, bisa tepung jeung babaturan sakola séjén, sakalian ngadu jajatén jadi juara, engkéna boga miluan dina kagiatan nu leuwih luhur.

Barudak nu tandang, mémang meunang milihan guru-guruna. Kitu téh luyu jeung pangabisa masing-masing. Dina kagiatan éta téh, aya genep rupa widang lomba diantarana O2N, OSN, FLS2N, OLTRAD, LITERASI sarta PENTAS PAI.

Widang Kids Atletik Wanayasa

Nu mariluan téh ti sakumna SD nu aya di Kecamatan Wanayasa. Teu hésé néang patandang mah, da masing-masing sakola gé nataharkeun ‘para atlit” tianggalna kénéh. Atuh, dina waktuna téh kari prakna. Kamari gé, éta saniskara kagiatan téh diiluan ku 21 SD nu aya Kacamatan Wanayasa. Itu ceuk Ketua Panatacalagara, Sumarni, S.Pd (Kepala SDN 1 Babakan) nalika ngabéjerbéaskeun kagiatan ka Warta Sunda Onliné, sabada pembukaan acara nu dibuka langsung ku Camat Kecamatan Wanayasa, Dedih Kusmayadi, M.Si, poé Senen, (11/2/2019) di Lapangan Sepak Bola Désa Babakan, Kecamatan Wanayasa, Kabupatén Purwakarta, Jawa Barat.

Sedengkeun nu ditargetkeun ku Kacamatan Wanayasa dina widang Pentas PAI mah Qaligrafi, O2SN mah Cabor Bulu Tangkis, FLS2N mah Pantomim jeung Oltrad nargetkeun Bakiak. Éta diantara nu jadi target téh. “Malah kasang tukangna kungsi janten wawakil nepika provinsi opat target éta téh,” pokna Sumarni.

Widang Solo jadi target Wanayasa

Malihan dina biantarana Camat Kecamatan Wanayasa, Dedih Kusmayadi, M.Si, “Uar pangajakna sangan para pamilon dina ieu kagiatan jungjung sportifitas dina lomba kalayan tong nepika papaséan antar pamilon, angguran mah témbongkeun pangabisana dina lomba ieu.”

Kulawedet Widang Atikan Kecamatan Wanayasa

Ketua Kelompok Kerja Kepala Sekolah (K3S) Pendidikan Kecamatan Wanayasa, Yustira Indrayati, S.Pd (Kepala SDN Nagrog), nétélakeun yén suksena ieu kagiatan téh hasil karancagéan jeung gawé bareng staké holdér hususna rengrengan Kepala Sekolah katut guru-guruna nu parantos milu aub pikeun kalumangsungan ieu kagiatan. Kajaba ti éta, nu jadi témana téh : “Wujudkan generasi muda berkarakter, sportif, berkompeten, raih préstasi.”

Hasil tina kagiatan ieu téh, bisa dipaké ngukur kamampuh keur diilikeun dina kagiatan nu leuwih luhur. Nu punjul bisa diilukeun di tingkat kabupatén, provinsi jeung nasional. “Mangpaat sanésna, ieu kagiatan tiasa janten alat silaturahmi sareng ngamekarkeun kréativitas siswa,” pokna Bu Iin nu biasa disebat (K3S).

Ket. Poto : Pembimbing Guru Olahraga Wanayasa

Nurutkeun data nu dikumpulkeun ku Warta Sunda Onliné, yén saniskara kagiatan di Wanayasa tina 23 Cabang Lomba, 22 Sakola, jumlah pamilon 1.694 urang, 506 urang pendamping 69 urang dewan juri, 230 urang Panitia Pelaksana. Acara dihadiran ti piha UPTD Pendidikan Kecamatan Wanayasa, Kodim, Kepala Désa Babakan, Polsek Wnayasa katut Penilik/Pengawas SD Wanayasa.*** Anto Sukanto.

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: