SANGGAR SENI KANIA KANCANA "Ngabentuk Karakter Siswa ku Seni Budadya"

SANGGAR SENI KANIA KANCANA
"Ngabentuk Karakter Siswa ku Seni Budadya"

Warta Sunda Onliné,

INA raraga ngarumat tur ngawanohkeun seni tradisional luyu jeung Perda Gubernur Jawa Barat Taun 2014, ngeunaan “Perubahan atas perturan daérah Provinsi Jawa Barat No. 6 Tahun 2003 tentang Pemeliharaan Seni daérah”. Sanggar Seni Kania Kancana nu awitna nyewa-nyewakeun kostum nari, upacara adat jeung degung jaipongan.

Pupuhu Sanggar Seni Kania Kancana, Irma Susanti, M.Pd diimahna Perum Griya Pasanggrahan, Désa Cilegong, Kecamatan Jatiluhur, Purwakarta ngebrehkeun ka Galura (02/1)), ngebrehkeun, yén ku ngadegna ieu sanggar téh ti Maret 2010 di Bandung, nalika beres kuliah inyana kataji ku muka usaha nya tadina mah ngalalanyah ku nyewa-nyewakeun kostum nari, upacara adat jeung degung jaipongan.

Nilik ti nu jadi kolot, Bapa H. Édi Susanto pangsiun PT. Indorama. Irma Susanti nya, ngarah ngumpul jeung keluarga nepika ngadon nasib pikeun ngamekarkeun usaha nu geus dirintisna ti taun 2010 téh, diteruskeun di Kabupatén Purwakarta tempat kalahiranna dina taun 2013, Sanggar Seni Kania Kancana hoyong ngajomantara dipakalangan seni di Kota Budaya.

Pikeun ngeuyeuban usaha éta téh, inyana ngambah kana ngayakeun Sakola Tari Tradisional. Pamilonna, teu wudu wé merul. Pon kitu deui Sanggar Seni Kania Kancana narima Les Privat jeung reguler Tari Sunda Jaipongan, klasik jeung Upacara Adat Mapag Panganten, Siraman, Degung Sunda, Pop Sunda katut MC na ogé aya.

Tina nu kursus téh, nya Alhamdulillah nepika janten pinunujul dina FLS2N di tingkat Kabupatén jeung Provinsi, éta téh hasil gemlengan ti Sanggar Seni Kania Kancana.

Saméméhna, sim kuring ngadongdon ngamimitian datang ka sakola nu pernah jadi siswana. Nya, SDN 1 Kémbangkuning, SMPN 4 Purwakarta jeung SMAN 3 Purwakarta tepung sareng nu jai guru étang-étang ngaguar mangsa katukang, nalika sim kuring diatik jeung didik ku nu jadi guru.

Saperti halna di SDN 1 Kémbangkuning, tepang sareng Bu Guru Anah nu masihan kapercantenan pikeun sim kuring ngamangpaatkeun élmu pangaweruh ngeunaan widang seni. Pon kitu deui di SMA, Pa Jajang Koswara, anjeunna salaku kokolot gaganti bapana di Imah, tapi disakola Pa Jajang sok méré suport ka para siswana hususna ka sim kuring dina mangsa terjun ka masarakat. Saperti peupeujeuhna : “Néng Irma, tong petot-petot diajar nu rajin, témbongkeun pangabisa tur teuleuman pangaresep urang, katut sakola nepika jucung.”

Nya, peupeujeuh Pa Jajang jadi motivasi keur sim kuring ngambah élmu di paguron luhur. Kuliah Jurusan Seni di Universitas Pendidikan Indonésia (UPI) Bandung. Pangdeudeul ti Pa Jajang nu loba kawawuhan nepika asup ka UPI Bandung, kalayan lancar teu aya masalah. Pon kitu deui nepika lulus tur diwisuda.

Kalih ti éta, harita nalika kuliah aya nu janten pangrojongna keur sim kuring nyaéta Bapa Nandang Dosén Akademik di UPI, nepika sim kuring kenging beasiswa. Kajaba dina nyieun tesisna ogé dibimbing ku Pa Dosén Nandang, pon kitu deui Ibu Trianti Nugraheni jeung Ibu Tati Narawati aranjeunna dina ngabahas Seni Domyak nu aya di Purwakarta di daérah Kecamatan Darangdan, Désa Pasirangin. Ti dinya nalungtik ngeunaan seni Domyak, yén harita mah seni Domyak téh aya ritual-ritual nu kabiasaan ku para pelaku seni na. Tapi sim kuring teu ngabahas kana éta, kawates ku nalungtik ngamumulé Seni Domyak nu hampir tumpur. Aéh, ayeuna sim kuring ngawulang dina widang seni di SMAN 1 Jatiluhur tepang deui sareng Pa Jajang, malahan mah jadi dunungan (Kepala Sekolah). “Nya, alhamdulillah tesis S2 sim kuring kalayan lancar tur nepika diwisuda,” pokna wanoja nu tos batian dua urang budak lalaki.

Ku kituna, pangrojong ti nu janten sepuh istri nyatana Éma Tri Handaya nu tiap waktu teu petot-petot ngaduakeun sangkan budakna jadi jalama nu berhasil. Kalayan kituna og ti nu jadi guru kalih Pa Dosén éta, Aéh, ayeuna sim kuring ngawulang dina widang seni di SMAN 1 Jatiluhur tepang deui sareng Pa Jajang, malahan mah jadi dunungan (Kepala Sekolah).

Masih ceuk awéwé nu ngajodo ka Andhi Purwa Nugraha téh, resep kana seni téh nalika ti keur leutik kénéh. Mun tiap aya kagiatan 17-san sok mintonkeun seni tari. Padahal, ti kulawargana teu aya nu nurun kana widang seni.

Dina kasempetan éta, nu jadi salakina, Andhi Purwa Nugraha ngebrehkeun ngeunaan pamajikanana kana widang seni téh. Inyana mah ngarojong pisan. “Malah dina sanggar Kania Kancana, sim kuring sok pirajinan milu ngawarnaan saperti dina raksukan keur pintonan para penari sok dilengkepan ku askessories buatannna. Kajaba nu kiwari keur nyieun mahkota ciri sanggar Seni Tari Kania Kancana,” pokna.

Lain deui ceuk Jajang Koswara, ningali anak didikna jadi guru téh kalintang reueusna malah bingah pisan nepika ayeuna milu marengan keur ngamajengkeun sakola, janten guru widang seni. Néng Irma, emang murid anu kréatif tur pinter jeung calakan. “Kari-kari ayeuna lian ti jdi guru di SMAN 1 Jatiluhur ogé ngadosénan di STKIP Purwakarta,” pokna Jajang.*** Anto

Keterangan Poto :

1. Asuhan Sanggar Seni Kania Kancana, Irma Susanti, M.Pd kenging Juara

2. Layang Pangajen Sanggar Seni Kania Kancana ngeunaan Budaya

3. Pupuhu Sanggar Seni Kania Kancana, Irma Susanti, M.Pd

REDAKTUR : Kiwarta

Sudah saatnya bangkit dari keterpurukan...