17 Poé, Layon/Jasad Naoval Ngalalana Sakuliaheun Wahangan Ciherang Rébo 30 Januari 2019 Kapanggih Bari jeung Geus Buruk.
17 Poé, Layon/Jasad Naoval Ngalalana Sakuliaheun Wahangan Ciherang
Rébo 30 Januari 2019 Kapanggih Bari jeung Geus Buruk.
Lokasi TKP jasad/layon Naoval Raditiya di bantaran Wahangan Ciherang
Rabu (30/01) petang./Foto: Istimewa
BUNGURSARI - WARTA
SUNDA ONLINÉ,
A
|
lhamdulillah, Budak
kelas 6 SD nu titeuleum ka bawa caah di Wahangan Ciherang (Minggu (13/1)
kamari, ahirna layon/jasad wastana Naoval Raditiya Maulana (12) geus kapanggih,
Rébo (30/1/2019) ku salahsaurang warga Darmawan (41), warga Kampung Jatimulya, Désa Cibungur RT 14. RW 05 Kecamatan Bungursari Kabupatén
Purwakarta.
Layon Naoval warga Perumahan BIP Blok H No. 09 RT.27/RW.09 Désa Cibening,
Kecamatan Bungursari, Kabupatén Purwakarta éta, kapanggih ku Darmawan nu keur
dugawé di kebon di sisi cai wahangan Ciherang.
Nurutkeun Kepala Dinas Pemadam Kebakaran dan Penanggulangan Bencana (DPKPB)
Kabupatén Purwakarta, Wahyu Wibisono, yén Darmawan kaget manggihan jasad budak,
inyana langsung lapor ka satpam Perumahan Pesona Jati Indah. Pon kitu deui
koordinasi sareng Babinsa satempat Sertu Anang jeung Serda Edi anggota Koramil
1904/Campaka.
"Warga langsung koordinasi jeung Babinsa Désa Cibungur datang ka TKP
di Kampung Jati Mulya RT.14/RW.05, Désa Cibungur, Kecamatan Bungursari Kabupatén
Purwakarta. TKP éta téh ngan ukur + 3 kilométér ti lokasi nu mimiti korban
ti teuleum kabawa palid téa," kitu ceuk Wibi.
Kronologi timuna jasad Nouval téh, ceuk Wibi, mimitina mah nu keur dugawé
di kebon di sisi cai wahangan Ciherang.
"kira-kira jam 14.30 WIB, Darmawan ningali jasad mirip manusia nu ngambang
di wahangan dina juru rukun. Kulantaran panasaran, nya Darmawan nyamperkeun
kana éta mayit bari jeung ngoér-ngoér maké awi sangkan éta mayit ka sisi. Selang
sababaraha menit, éta layon Nouval bisa disisi cai, teu deui ka bawa cai nu
gedé,” kitu ceuk Wibi nirukeun omongan Darmawan.
Masih ceuk Wibi, Darmawan nya
langsung koordinasi jeung pihak sekuriti perumahan nu aya dilokasi teu jauh ti
TKP. Salajengna sekuriti koordinasi sareng pihak Babinsa satempat.
"Teu kungsi lila Babinsa datang ka TKP, bari
jeung ngahubungi bapana Nouval pikeun méré katerangan yén anakna geus kapanggih.
Nya, Bapana Nauval teu lila geus aya di TKP, pikeun nyaksenan yén layon jeung
jasad anakna geus kapangginh, nanging layon éta téh geus buruk, ma’lum geus 17
poé kakara kapanggih bari jeung kaayaan geus buruk,” pokna.
Wibi nambahkeun yén layon/jasad Nouval geus dievakuasi
jeung dibawa ka Rumah Sakit Bayu Asih. Pikeun divisum. Layon Nouval rencanana rék
dibawa ka imah duka di Perumahan BIP jeung pihak keluarga rék di kuburkeun
dipajaratan di Bandung," pokna nirukeun omongan bapana Naoval.
Lokasi TKP jasad/layon Naoval Raditiya di bantaran Wahangan Ciherang
Rabu (30/01) petang./Foto: Istimewa
Kasangtukang kajadian Nouval Raditiya Maulana, siswa
kelas 6 SD pamitan ka nu jadi indung bapana rék ulin maén bal bari jeung
huhujanan katut tujuh urang baturna, Minggu (13/1/2019) kamari.
Nalika rengsé maén bal, Naoval nu keur merihan
kolorna. Naoval tiseureuleu ka éta wahangan Ciherang bari jeung kabawa cai nu
caah. Tim Gabungan Operasi SAR Nouval langsung operasi nyisir néangan
layon/jasad Naoval nepika nu direncanakeun 7 (tujuh) poé teu kkapanggih.
Kapanggih-kapanggih ku warga geus 17 (ttujuh welas) poé bari jeung layonna geus
buruk.***
0 Response to "17 Poé, Layon/Jasad Naoval Ngalalana Sakuliaheun Wahangan Ciherang Rébo 30 Januari 2019 Kapanggih Bari jeung Geus Buruk."
Posting Komentar