Warta Ti SMP

Ti Kénca Éndé Mulyana, Rizal Akbar, Thariq Muharamsyah, Nurhasanah, Résa, Siti Sri Kaswati, S.Pd (Kep. SMPN 1 Kiarapedes), Jaka Susila (Wakasek Kesiswaan), Dinda, Eva Nurhalimah, Alda, Devina Dikta Fiona

Siswa SMPN 1 Kiarapedes Purwakarta

Mindeng Pinunjul Dina Widang Penca

Warta Sunda Online,

“SMPN 1 Kiarapedes sapuluh urang wawakil siswana nyangking préstasi dina widang silat, malihan mah nyangking pinunjul dina kejuaraan nasional.” ceuk Éndé Mulyana, Pelatih Perguruan Pencak Silat “Gerak Bumi Indonésia Cabang Kiarapedes, Purwakarta, waktu ngawangkong jeung WSO di SMPN 1 Kiarapedes (12/11).

Kajuaraan nu kungsi diiluan ku Siswa SMPN 1 Kiarapedes téh diantarana Open Tournament Pencak Silat UNSIKA Pencak Silat Championship II 2018 Tingkat SD, SMP/MTs, SMA/SLTA & Dewasa, 21-24 Oktober 2018 di Karawng. Eva Nurhalimah nyangking Juara I (medali Emas), Rizal Akbar Juara I (Emas), Thariq Muharamsyah Juara II (Perak) jeung Nurhasanah Juara III (Perunggu).

Dina “Bhaladhika Karya Jawa Barat Cup” Kejuaraan Pencak Silat Se-Jawa Barat & Tingkat Pelajar SMP/SLTA Se-Kabupatén Purwakarta Pencak Silat Spirit Budaya Sunda, nu nyangking jura : Resa (Emas), Nasip Rade Putra (Emas), Déa Andini (Perak), Usman (Perak), jeung Devina (Perunggu).

“IPSI Cup II” dina Kejuaraan Silat Antar Pelajar Se-Purwakarta Tingkat SD, SMP/MTs, SMA/SMK/MA lumangsung 19-21 April 2018 di Gédong Olahraga Disporaparbud Sport Centre Purnawarman Purwakarta nu nyabet juara téh : Nuraéni (Emas), Dinda (Emas), Devina Perunggu), Thariq (Perunggu) sarta Rizal (Perunggu).

Kejuaraan Pencak Silat “Bekasi Open Challange IV 2018” Antar SD, SMP, SMA dan Dewasa Tingkat Nasional lumangsung 7-9 September 2018 di Gédong Olahraga Tambun, Kabupatén Bekasi ngawengku, Résa nyabet Juara III (Perunggu).

Siswa SMPN 1 Kiarapedes nu nyangking préstasi dina Kejuaraan Pencak Silat téh kiwari keru tatan-tatan mapag tandang dina O2SN jeung POWILDA (Pekan Olahraga Pelajar Daérah).

Kepala SMPN 1 Kiarapedes, Siti Sri Kaswati, S.Pd, ngeceskeun barudak nu baris tandang makalangan téh sok dideudeul, dianteur tepi ka tempat pertandingan. Malah mah didagoan tepi réngsé. Pon kitu deui orang tua siswa nu siswana kenging préstasi téh diulem ka sakola pikeun dibewarakeun yén para siswa parantos tiasa ngabanggakeun sakola tur orang tua. “Jadi dina hal ieu mah, sanés siswa atanapi orang tua siswa nu bermasalah diulem ka saola, dalah siswa nu kenging préstasi orang tua na diulem ka sakola,” pokna.

 Jaka Susila, S.Pd, Wakasek Kesiswaan nyebutkeun pupuhu di sakola téh ngarojong pisan a para siswa nu préstasina onjoy, malah sok masrahkeun kadeudeuh pikeun ngamotivasian barudak.

Sedengkeun ceuk sapuluh urang siswa SMPN 1 Kiarapedes nu nyangking préstasi téh nu jadi bangbaluh keur dirina téh nyaéta ngeunaan Berat Badan, lantaran upami beurat badan nambih atanapi ngirangan keur patandang janten di diskualifikasi dina lomba. Pon kitu deui sanés musuh/lawan nu jadi halangan pikeun ngudag préstasi janten emosi diri jeung beurat badan nu jadi halangan téh.*** Anto

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: